• Baile
• Imeachtaí
• Nuacht
• Cúrsaí
• Ceardlanna
• Eolas Fúinn
• Foghlaimeoirí
• An Earnáil Phoiblí

• Tá tú anseo:
• Baile /

a / A

Ranganna Gaeilge oíche - Samhradh 2012 (*NUA*)

Cuireann Gaelchultúr ar fáil ranganna Gaeilge do dhaoine fásta ag suas le hocht leibhéal, trí huaire sa bhliain, in ionaid éagsúla timpeall na hÉireann. Cuirfear tús le ranganna oíche an tsamhraidh an tseachtain dar tosach 21 Bealtaine 2012.

Tá eolas cuimsitheach le fáil mar gheall ar ranganna Gaeilge Ghaelchultúir i mbróisiúr na ranganna; chun teacht air, cliceáil anseo. Mura bhfuil tú cinnte cén rang ar cheart duitse freastal air, déan Triail Ghaeilge ar Líne Ghaelchultúir, atá ar fáil anseo.
Nóta: Más mian leat go n-eagrófaí cúrsa i do cheantarsa, bí i dteagmháil linn.

Baile Átha Cliath, Bealtaine - Meitheamh 2012 (Cúrsa C)

Ceatharlach, Bealtaine - Meitheamh 2012 (Cúrsa C) 

Cúrsa Gaeilge d'iarratasóirí Hibernia

Tá Gaelchultúr ag glacadh le hiarratais do Chúrsa Gaeilge d'Iarratasóirí Hibernia anois. Is cúrsa é seo dóibh siúd a bheidh ag tabhairt faoin agallamh Gaeilge don Ard-Dioplóma Ealaíon sa Bhunoideachas (H.Dip. in Arts in Primary Education). Díreofar ar na príomhábhair chainte a bhíonn i gceist san agallamh agus cuirfear ar chumas na rannpháirtithe a gcuid scileanna cainte a fhorbairt agus cur lena stór focal.

Tá sé mar aidhm ag an gcúrsa seo eolas a chur ar fáil do na rannpháirtithe a chuirfidh ar a gcumas:

• tús maith a chur leis an agallamh, rud a chuirfidh ar a suaimhneas iad, agus a rachaidh i bhfeidhm ar na hagallóirí
• briathra a úsáid i gceart
• freagraí fada, ina bhfuil scoth na Gaeilge, a thabhairt ar cheisteanna a thagann chun cinn go minic san agallamh
• freagraí a thabhairt atá cruinn ó thaobh na gramadaí de.

Beidh an cúrsa oiriúnach ó thaobh caighdeáin de do dhaoine a rinne staidéar ar an nGaeilge ar scoil, roinnt mhaith blianta ó shin, b'fhéidir. Beidh an bhéim ar scileanna labhartha agus éisteachta agus déanfar an ghramadach a mhúineadh i gcomhthéacs, de réir mar a bheidh sí ag teastáil.

Rogha 1

Freastalóidh mic léinn ar rang dhá uair an chloig sa seomra ranga oíche sa tseachtain, thar ocht seachtaine, i nGaelchultúr, Barra an Teampaill, Baile Átha Cliath 2.

Beidh na seisiúin seo ar siúl tráthnóna Déardaoin, idir 7.00 - 9.00 p.m., ar na dátaí seo a leanas: 10 Bealtaine, 17 Bealtaine, 24 Bealtaine, 31 Bealtaine, 7 Meitheamh, 14 Meitheamh, 21 Meitheamh agus 28 Meitheamh 2012.

Beidh fáil ag na rannpháirtithe ar chúrsa ar líne freisin ar feadh trí mhí: Cúrsa Gaeilge d'Iarratasóirí Hibernia. Dírítear sa chúrsa cuimsitheach seo ar na topaicí a thagann chun cinn san agallamh agus beidh na mic léinn in ann úsáid a bhaint as agus iad ag ullmhú do na seisiúin sa seomra ranga.

Cláraigh anseo

Rogha 2

Freastalóidh mic léinn ar dhá sheisiún sa seomra ranga a bheidh ar siúl Dé Sathairn, 12 Bealtaine, agus Dé Sathairn, 30 Meitheamh 2012, i nGaelchultúr, Barra an Teampaill, Baile Átha Cliath 2. Lena chois sin, cuirfear rang beo uair an chloig ar fáil dóibh ar líne oíche sa tseachtain, thar seacht seachtaine.

Beidh na ranganna beo ar líne ar siúl oíche Dé Máirt nó oíche Dé Céadaoin, idir 7.30 - 8.30 p.m.

Beidh fáil ag na rannpháirtithe ar chúrsa ar líne freisin ar feadh trí mhí: Cúrsa Gaeilge d'Iarratasóirí Hibernia. Dírítear sa chúrsa cuimsitheach seo ar na topaicí a thagann chun cinn san agallamh agus beidh na mic léinn in ann úsáid a bhaint as agus iad ag ullmhú do na seisiúin sa seomra ranga agus do na ranganna beo ar líne.

Cláraigh anseo

Cuireann Gaelchultúr dianchúrsaí ar fáil i rith na bliana dóibh siúd ar mian leo ullmhúchán a dhéanamh d'agallamh Gaeilge an Ardteastais san Oideachas (Bunmhúinteoireacht). Beidh dianchúrsa ar siúl ar an dáta seo a leanas:
Dé Sathairn, 23 Meitheamh, 2012

Tá cúrsa ar líne forbartha againn chomh maith dóibh siúd a bheidh ag tabhairt faoin agallamh Gaeilge don Ardteastas san Oideachas (Bunmhúinteoireacht).
Tuilleadh eolais - Bain triail as saor in aisce

Beidh dioplóma páirtaimseartha bliana i dTeagasc trí Ghaeilge (Ealaín) á thairiscint ag an gColáiste Náisiúnta Ealaíne is Deartha (NCAD), i gcomhar le Gaelchultúr, ó thús 2012 ar aghaidh. Tá an cúrsa, a bhfuil tacaíocht á cur ar fáil ag COGG (www.cogg.ie) dó, dírithe orthu seo a leanas:

• múinteoirí ealaíne atá ag obair i scoileanna lán-Ghaeilge agus Gaeltachta nó ar mian leo bheith ag obair i scoileanna dá leithéid sa todhchaí

• múinteoirí bunscoile ar mian leo an ealaín a theagasc trí Ghaeilge

• mic léinn ealaíne ar mian leo an t-ábhar a theagasc trí Ghaeilge tar éis dóibh cáiliú mar mhúinteoirí.

Beidh meascán den teagasc sa seomra ranga agus den fhoghlaim ar líne i gceist, dá bhrí sin beidh na rannpháirtithe ábalta go leor d’obair an chúrsa a dhéanamh sa bhaile ina n-am féin agus ní bheidh orthu freastal ar sheisiúin sa seomra ranga ar bhonn seachtainiúil.

Bróisiúr an chúrsa agus tuilleadh eolais anseo

Is é Gaelchultúr an soláthraí is mó cúrsaí oiliúna Gaeilge don earnáil phoiblí. Cuirimid traenáil ar fáil in os cionn 50 eagras stáit gach bliain, ó cheann ceann na tíre.
Cliceáil anseo le haghaidh tuilleadh eolais.

Bain triail as ár suíomh ríomhfhoghlama www.ranganna.com inniu saor in aisce. Foghlaim Gaeilge ag do luas féin, sa bhaile nó san oifig. Cúrsa ag an meánleibhéal; Cruinneas sa Ghaeilge; cúrsaí do mhúinteoirí. Cliceáil anseo

Is áis atá an-éasca a úsáid é QuickGuide™ Irish Grammar ina ndírítear ar na príomhghnéithe de ghramadach na Gaeilge. Cuireann an dearadh nuálach agus an scéim dathanna ar chumas an úsáideora eolas a aimsiú go tapa, agus beidh na míniúcháin shoiléire sholéite ina gcabhair mhór acu siúd a úsáideann an Ghaeilge go rialta agus ag lucht foghlama na teanga araon. 

Tá sé ar fáil anois ar www.siopa.ie. Féach ar an bhfíseán YouTube anseo.

Is cúrsa teanga ilmheán é Gaeilge gan Stró! – Beginners Level d’fhoghlaimeoirí fásta. Tá sé oiriúnach do dhaoine nach bhfuil Gaeilge ar bith acu nó nach bhfuil acu ach roinnt abairtí bunúsacha. Tá sé ar fáil anois ar www.siopa.ie.

Íoslódáil aonad samplach ón leabhar anseo: Unit 1: Meeting People

Tá ceachtanna breise le fáil san eagrán nua seo de Gramadach gan Stró! agus dírítear ar roinnt gnéithe den ghramadach (an aidiacht sa tuiseal ginideach, cuir i gcás) nach raibh aon eolas tugtha orthu sa chéad eagrán.

Tá Gramadach gan Stró! dírithe ar dhaoine a bhfuil caighdeán réasúnta maith bainte amach acu sa Ghaeilge labhartha cheana féin ach ar mian leo feabhas a chur ar a gcuid gramadaí. Tá sé oiriúnach dóibh siúd nach dtuigeann leabhair ghramadaí de ghnáth agus a gcuireann rialacha casta mearbhall orthu. Tá sé ar fáil anois ar www.siopa.ie.

Íoslódáil aonad samplach ón leabhar anseo: Aonad 7: An Aidiacht 1

Is cúrsa teanga ilmheán é Gaeilge gan Stró! – Lower Intermediate Level d’fhoghlaimeoirí fásta. Tá sé oiriúnach do dhaoine a bhfuil staidéar déanta acu ar an nGaeilge ag am éigin ina saol agus a thuigeann méid áirithe den teanga go fóill. Tá sé ar fáil anois ar www.siopa.ie

Íoslódáil aonad samplach ón leabhar anseo: Aonad 5: Laethanta Saoire agus Taisteal

Tá nuachtlitir mhíosúil curtha ar bun againn chun an pobal a chur ar an eolas faoinár gcúrsaí teanga, faoinár seirbhísí agus faoi na tionscadail atá idir lámha againn.

Má tá tú ag iarraidh clárú don nuachtlitir nó na seaneagráin a léamh ní gá ach cliceáil anseo.

Tá sé mar aidhm ag an suíomh nua seo daoine in Éirinn agus thar lear a spreagadh le leabhair Ghaeilge a léamh agus iad a phlé i bhfóram an tsuímh. Cliceáil anseo

Dála na mílte duine go dtí seo, déan do chuid Gaeilge a thástáil ar líne saor in aisce. Cliceáil anseo