Lá ar maos sa chultúr Gaelach!

Tháinig grúpa mac léinn ó USC (University of Southern California) ar thuras go hÉirinn le déanaí, ar mic léinn iad atá ag déanamh staidéir ar mhodúl dar teideal “Tradition and Modernity: A focus on Ireland”. Reáchtáil Gaelchultúr ceardlanna dóibh sa Culture Box i mBarra an Teampaill, áit ar fhoghlaim siad roinnt Gaeilge ó Chóilín Ó Floinn agus ó Éamonn Ó Dónaill, agus damhsa ar an sean-nós agus cúpla amhrán Gaeilge ó Enda Ó Catháin.

Tá siad le feiceáil i mbun damhsa san fhíseán thíos agus ag cur a gcuid tuairimí in iúl faoin méid a d’fhoghlaim siad.

Ceol: “The Home Ruler” agus “Mulhaire’s” (cornphíopaí) - ón dlúthdhiosca Ego Trip le
MacDara Ó Raghallaigh

Ealaín le feiceáil sa chúlra: Young Makers – Taispeántas idirnáisiúnta saothar de chuid ealaíontóirí óga comhaimseartha