Nuachtlitir #44: Aibreán 2019

Folúntas: Léachtóir le Gaeilge le Coláiste na hÉireann/Gaelchultúr


Tá post lánaimseartha mar Léachtóir le Gaeilge ar fáil i gColáiste na hÉireann/Gaelchultúr. Conradh buan atá i gceist agus beidh an té a cheapfar lonnaithe in oifigí na hinstitiúide i lár chathair Bhaile Átha Cliath.


Ní mór d’iarrthóirí caighdeán ard Gaeilge, idir labhartha agus scríofa, a bheith acu agus taithí a bheith acu ar an nGaeilge a mhúineadh sa tríú leibhéal.


Tuarastal de réir taithí agus cáilíochtaí; gnáthuaireanta oibre. Cuirfear deiseanna oiliúna ar fáil don té a cheapfar.


Dualgais
Seo iad na príomhdhualgais a bheidh ar an Léachtóir le Gaeilge:

  • léachtaí de chuid an Dioplóma Iarchéime san Aistriúchán a thabhairt
  • cúrsaí teanga éagsúla a mhúineadh
  • cúrsaí nua tríú leibhéal a fhorbairt
  • pleananna ceachta agus acmhainní teagaisc a fhorbairt
  • dearbhú cáilíochta a dhéanamh ar chúrsaí teanga na hinstitiúide
  • eagarthóireacht agus léamh profaí a dhéanamh go rialta
  • taighde a dhéanamh go leanúnach.

Cáilíocht/taithí/scileanna riachtanacha
  • Máistreacht sa Ghaeilge (leibhéal 9 den Chreat Náisiúnta Cáilíochtaí)
  • Taithí ar an nGaeilge a mhúineadh sa tríú leibhéal
  • Taithí ar obair aistriúcháin a dhéanamh
  • Scileanna maithe ríomhaireachta

Cáilíocht/taithí inmhianaithe
  • Céim dhochtúra sa Ghaeilge
  • Cáilíocht teagaisc
  • Taithí ar acmhainní teagaisc a fhorbairt

Ní mór d’iarrthóirí Curriculum Vitae, mar aon le litir iarratais, a sheoladh chuig:

Folúntas: Léachtóir le Gaeilge
Coláiste na hÉireann/Gaelchultúr
11 Sráid an Chláraigh
Baile Átha Cliath 2

chuig eolas@gaelchultur.com

Spriocdháta d’iarratais: 5.00pm, Dé Céadaoin, an 22 Bealtaine 2019. Agallaimh ar siúl Dé Máirt, an 28 Bealtaine 2019.


Tá tuilleadh eolais ar fáil ach ríomhphost a sheoladh chuig: eolas@gaelchultur.com