Tá neart alt spéisiúil ar réimse ábhar tráthúil in eagrán na míosa seo de Nuachtlitir Ghaelchultúir, cinn faoin tsraith teilifíse Bernard Dunne’s Bród Club, Béaltriail nua na hArdteistiméireachta, agus an cainéal iTunes U COGG ina measc. Tá súil againn go mbainfidh tú taitneamh as!
An bhfuil Béaltriail nua na hArdteistiméireachta ag teacht idir tusa agus codladh na hoíche? Ná bíodh buairt ort níos mó – tá réiteach na faidhbe ag Gaelchultúr!
Tá sé mar sprioc ag an iardhornálaí Bernard Dunne 100,000 duine in Éirinn a spreagadh le gealltanas a thabhairt ar líne go mbainfidh siad úsáid as an nGaeilge ina saol laethúil. Tá an feachtas seo mar chuid lárnach den tsraith teilifíse Bernard Dunne’s Bród Club, atá á chraoladh ar RTÉ faoi láthair.
Tá Gaelchultúr chun físeán dar teideal “Frása an Lae” a chur ar fáil ar líne gach lá den bhliain a thabharfaidh deis dóibhsean ar spéis leo an Ghaeilge go leor abairtí úsáideacha a fhoghlaim.
Tá mic léinn as codanna éagsúla den tír ag tabhairt faoi chúrsa nua páirtaimseartha, Dioplóma i dTeagasc trí Ghaeilge (Ealaín), ar cuireadh tús leis i mí Eanáir. Tá an cúrsa seo á reáchtáil ag an gColáiste Náisiúnta Ealaíne is Deartha, i gcomhar le Gaelchultúr.
Leagan Gaeilge den chluiche mór-ráchairte Junior Scrabble atá roghnaithe againn mar Mhargadh na Míosa ar siopa.ie, agus beidh sé ar díol ar an suíomh ar phraghas laghdaithe go dtí deireadh mhí Aibreáin.
Tá Rith 2012 faoi lán seoil faoi láthair agus tá daoine ar fud na tíre ag cur chun bóthair le léiriú gur fearr rith maith ná drochsheasamh!
I mí Feabhra, bhí cnuasach dánta, Filíocht Ghrá na Gaeilge, againn mar leabhar na míosa den chéad uair riamh agus chuir riarthóir ClubLeabhar.com, Michelle Ryan, agallamh ar eagarthóir na díolama, Ciarán Mac Murchaidh, le déanaí. Tá an grá mar théama chomh maith i leabhar mhí an Mhárta, Filleann Seoirse, an chéad úrscéal ó pheann Éilís Ní Anluain.
Trí chóip den chúrsa ilmheán Gaeilge gan Stró! – Lower Intermediate Level le buachan.
Comhghairdeas le buaiteoir chomórtas mhí Eanáir/Feabhra, a bhfuil cóip dá rogha foilseacháin de chuid Ghaelchultúir, mar aon le síntiús trí mhí don chúrsa ríomhfhoghlama den ainm céanna, buaite aici!
Tá suíomh nua an-tarraingteach ag Daltaí na Gaeilge, an eagraíocht neamhbhrabúis atá lonnaithe sna Stáit Aontaithe a bhfuil sé mar aidhm aici an Ghaeilge a mhúineadh agus a chur chun cinn.
Tá cainéal nua ag COGG (An Chomhairle um Oideachas Gaeltachta agus Gaelscolaíochta) ar iTunes U ar a bhfuil cnuasach d’ábhar físe agus fuaime a bheidh ina acmhainn an-úsáideach do lucht na Gaeilge, go háirithe do mhúinteoirí bunscoile.
Liosta de dhátaí tábhachtacha a bhaineann le himeachtaí de chuid Ghaelchultúir agus de chuid eagraíochtaí eile.
Cóipcheart © 2025 Gaelchultúr Teoranta
Gaelchultúr Teoranta, 11 Sráid an Chláraigh, Baile Átha Cliath 2, Éire, D02 TD34
Uimhreacha gutháin: (01) 484 5220
Seol ríomhphost chugainn
