Beatha agus sláinte! Tá fáilte romhat chuig an gceathrú heagrán de nuachtlitir Ghaelchultúir. Tá súil againn go mbainfidh tú taitneamh as!
Seolfaidh an tAire Gnóthaí Pobail, Comhionannais agus Gaeltachta, Pat Carey, TD, cúrsa teanga ilmheán nua Ghaelchultúir, Gaeilge gan Stró! – Lower Intermediate Level le hÉamonn Ó Dónaill, ag 3.30 p.m., Dé hAoine, 5 Samhain 2010 i bhForas na Gaeilge, Cearnóg Mhuirfean.
Tá post ar fáil i nGaelchultúr do dhuine a bhfuil ardchaighdeán Gaeilge aige, idir labhartha agus scríofa, agus taithí ar an teanga a mhúineadh.
Tá cúrsaí samhraidh ar líne do mhúinteoirí bunscoile á reáchtáil ag Gaelchultúr le dhá bhliain anuas. Ós rud é go mbíonn an-tóir orthu i rith an tsamhraidh, tá cinneadh déanta againn iad a thairiscint i rith na scoilbhliana freisin.
Ó thús 2011 reáchtálfaidh Óstaí an Rí cúrsaí páirtaimseartha ardleibhéil chun iarrthóirí a chumasú le cur isteach ar fholúntais do phoist mar aistritheoirí dlíthiúla le Gaeilge agus mar dhlítheangeolaithe le Gaeilge in Institiúidí an Aontais Eorpaigh.
Bronnadh an Séala Eorpach Teanga 2010 ar ClubLeabhar.com Dé Luain, 27 Meán Fómhair. Tugtar aitheantas leis an duais seo do shlite cruthaitheacha nuálaíocha chun feabhas a chur ar chaighdeán múinte agus foghlama teanga.
Tá leagan idirghníomhach de leabhar nuafhoilsithe Ghaelchultúir, Gaeilge gan Stró! – Lower Intermediate Level, le fáil ar shuíomh ríomhfhoghlama an chomhlachta, www.ranganna.com. Tá roinnt gnéithe sa bhreis sa chúrsa ar líne - físagallaimh le cainteoirí cumasacha Gaeilge, cuir i gcás, chomh maith le téacs na n-agallamh sin agus aistriúcháin Bhéarla.
Reáchtálfar Oireachtas na Samhna i gCill Airne, Co. Chiarraí, i mbliana den chéad uair ó bhí 1918 ann.
Comhghairdeas le buaiteoirí chomórtas mhí Mheán Fómhair!
Liosta de dhátaí tábhachtacha a bhaineann le himeachtaí de chuid Ghaelchultúir agus de chuid eagraíochtaí eile.
Tá taifeadtaí de chainteoirí dúchais Gaeilge a rinneadh timpeall na tíre idir 1928 agus 1931 le cloisteáil ar shuíomh de chuid Acadamh Ríoga na hÉireann anois.
Is líne chabhrach le haghaidh gach duine a úsáideann an Ghaeilge é Freagra. Is féidir teacht ar Freagra ar an nguthán, nó trí theachtaireacht téacs nó teachtaireacht ríomhphoist a sheoladh chuig an tseirbhís. Gealltar freagra tapa ar cheisteanna faoi gach gné den Ghaeilge.
Cóipcheart © 2025 Gaelchultúr Teoranta
Gaelchultúr Teoranta, 11 Sráid an Chláraigh, Baile Átha Cliath 2, Éire, D02 TD34
Uimhreacha gutháin: (01) 484 5220
Seol ríomhphost chugainn
