Scoláireacht Choláiste na hÉireann/Ghaelchultúir, 2024-25
Back to Postgraduate Diploma in TranslationFoirm Iarratais
Bí cinnte go mbeidh Téarmaí agus Coinníollacha Scoláireacht Choláiste na hÉireann/Ghaelchultúir léite agat sula gcomhlánóidh tú an fhoirm seo. Déan do chuid freagraí a chlóscríobh.
Téarmaí agus Coinníollacha
- Caithfidh an té a mbronnfar an scoláireacht air/uirthi riachtanais iontrála an Dioplóma Iarchéime san Aistriúchán a shásamh – toradh sásúil sa scrúdú iontrála san áireamh.
- Baineann an scoláireacht leis an mbliain acadúil 2024-25 amháin agus ní féidir í a chur siar go dtí bliain acadúil eile.
- Agus dámhachtaí á roghnú, tabharfar tús áite d’iarrthóirí nach bhfuil clár ag leibhéal 9 den Chreat Náisiúnta Cáilíochtaí (nó a chomhionann) tosaithe acu cheana féin nó nach bhfuil clár ag an leibhéal sin déanta acu roimhe seo.
- Ní mór foirm iarratais na scoláireachta a chomhlánú agus a chur ar aghaidh chuig Coláiste na hÉireann/Gaelchultúr faoi 5pm ar an 1 Meán Fómhair 2024 (ní ghlacfar le hiarratais tar éis an ama sin). Ba cheart í a chur chuig eolas@gaelchultur.com nó chuig Coláiste na hÉireann/Gaelchultúr, 11 Sráid an Chláraigh, Baile Átha Cliath 2.
- Agus cinneadh á dhéanamh faoin té a mbronnfar an scoláireacht air/uirthi, beidh tábhacht ar leith ag baint leis an Ráiteas Pearsanta i gCeist 2 agus leis an méid a bheidh scríofa faoi Cheist 3.
- Ní chumhdóidh an scoláireacht seo ach táillí an Dioplóma Iarchéime san Aistriúchán, 2024-25 – beidh ar an mac léinn a mbronnfar an scoláireacht air/uirthi costais eile an chláir a íoc é/í féin.
- Déanfaidh Coláiste na hÉireann/Gaelchultúr cinneadh faoin té a bhfuiltear chun an scoláireacht a bhronnadh air/uirthi Déardaoin, 5 Meán Fómhair 2024. Rachfar i dteagmháil ar an dáta sin le gach duine a mbeidh iarratas déanta aige/aici ar an scoláireacht.
- Mura nglacann dámhachtaí le háit ar an gcúrsa ná leis an scoláireacht, is féidir an scoláireacht a bhronnadh ar an iarratasóir a bheidh rangaithe sa chéad áit eile.
- Má éiríonn dámhachtaí as an Dioplóma Iarchéime san Aistriúchán tar éis dó/di an scoláireacht a ghnóthú, ní bheidh cead aige/aici iarratas a dhéanamh ar an scoláireacht seo san am atá romhainn.
Is mian le Coláiste na hÉireann/Gaelchultúr a fhógairt go bhfuil scoláireacht amháin ar fáil le haghaidh an Dioplóma Iarchéime san Aistriúchán, 2024-25. Is éard atá sa scoláireacht ná táillí iomlána an chúrsa, i.e. €4,485.
Má tá aon cheist agat faoin bhfoirm seo, glaoigh ar (01) 484 5220 nó seol ríomhphost chuig eolas@gaelchultur.com.