Cúrsa Gaeilge do Chomhairleoirí Tofa

Cúrsa Gaeilge do Chomhairleoirí Tofa
€249.00
Cuir an cúrsa in áirithe
Ó 20 Meán Fómhair 2023
5 seachtaine
5 uair
Bunleibhéal - Meánleibhéal
Déan do chuid Gaeilge a thástáil

Faigh amach cén leibhéal is oiriúnaí duitse.

Cuir tús leis an tástáil

Cur síos

Mar chomhairleoir tofa, an raibh a fhios agat go bhfuil an ceart ag na daoine i do dháilcheantar seirbhísí agus cumarsáid trí mheán na Gaeilge a iarraidh? Tá cúrsa cúig seachtaine forbartha ag Gaelchultúr le cur ar chumas comhairleoirí cumarsáid a dhéanamh trí Ghaeilge leis an bpobal agus lena gcomhghleacaithe. Saineolaí Gaeilge a bhíonn i mbun an chúrsa seo agus bíonn rang uair an chloig in aghaidh na seachtaine i gceist leis.

Is é aidhm an chúrsa seo ná cur ar chumas na rannpháirtithe frásaí úsáideacha Gaeilge a fhoghlaim is féidir leo a úsáid agus iad ag tabhairt óráidí agus le linn cuairteanna ar imeachtaí agus ionaid ina n-úsáidtear an teanga. Múinfear frásaí agus stor focal úsáideach dóibh freisin le go mbeidh siad in ann níos mó Gaeilge a úsáid ina gcomhfhreagras laethúil le comhghleacaithe agus leis an bpobal agus le go mbeidh siad ábalta a ndualgais faoi Acht na dTeangacha Oifigiúla (Leasú) 2021 a chomhlíonadh go héifeachtach.


I dteannta leis an gcúrsa beo ar líne, tabharfar rochtain 6 mhí do rannpháirtithe ar acmhainn chuimsitheach foghlama idirghníomhach ar shuíomh ríomhfhoghlama Ghaelchultúir, www.ranganna.com. Freastalaíonn an acmhainn seo ar riachtanais teanga comhairleoirí agus tá stór focal agus téarmaíocht úsáideach ann a bhaineann go sonrach leis an obair a dhéanann comhaltaí na comhairle.


Tá ábhar scríofa agus fuaime san áireamh leis an uirlis ríomhfhoghlama seo. Tuigeann Gaelchultúr an tábhacht a bhaineann le forbairt agus feabhsú scileanna teanga ar bhonn leanúnach agus tugann an uirlis ríomhfhoghlama deis d’úsáideoirí athbhreithniú a dhéanamh ar ábhair foghlama an chúrsa i bhfad tar éis dóibh a gcuid ranganna le Gaelchultúr a cur i gcrích.


Déan cinnte go bhfuil sé ar do chumas agat cumarsáid a dhéanamh leis na daoine i do dháilcheantar ina dteanga féin agus clárú ar an gcúrsa móréilimh seo inniu.


Cuir an cúrsa in áirithe

5 seachtaine
|
5 uair
|
Bunleibhéal - Meánleibhéal
|
€249.00
Leibhéil Lá Am Dáta tosaigh
Dé Céadaoin 7.00pm - 8.00pm (am na hÉireann)

Spás ar fáil

 20 Meán Fómhair 2023 Cláraigh anois

Ár gcur chuige múinteoireachta

Tá siollabais chuimsitheacha forbartha ag Gaelchultúr agus leantar na siollabais seo i ngach rang ag gach leibhéal.

Baineann cuid múinteoirí Ghaelchultúir úsáid as an gcur chuige cumarsáideach, rud a chiallaíonn go mbíonn deis ag na foghlaimeoirí páirt ghníomhach a ghlacadh i ngach rang.

Bíonn obair bheirte agus obair ghrúpa i gceist go leanúnach, mar sin bíonn seans ag na foghlaimeoirí cleachtadh a dhéanamh ar an méid a mhúintear dóibh. Bíonn an bhéim ar labhairt na teanga agus ar an éisteacht den chuid is mó (ach amháin sa rang cruinnis), ach tugtar deis do na foghlaimeoirí an teanga a léamh agus a scríobh ó am go chéile chomh maith.

Foghlaim níos mó fúinn

Ceisteanna Coitianta

Beidh ríomhaire glúine nó deisce de dhíth ort, ceangal réasúnta leathanbhanda agus gléas cinn a bhfuil micreafón mar chuid de (ceann USB, más féidir).
Cuirfear cuireadh chuig gach rang chugat ar an ríomhphost timpeall 20 nóiméad roimh thús an ranga sin. Tiocfaidh an teachtaireacht seo ó Zoom – sin an t-ardán físchomhdhála a bheidh in úsáid leis na ranganna a sholáthar.
Beidh, cinnte. Tabharfar deis do gach foghlaimeoir tástáil theicniúil a dhéanamh sula dtosóidh an cúrsa agus déanfar aon fhadhbanna teicniúla a bheidh aige/aici a réiteach le linn na tástála sin. Ní gá duitse é seo a shocrú – beimidne i dteagmháil leat maidir leis an tástáil tar éis duit clárú don chúrsa.
Is féidir ach ní bheidh tú in ann páirt a ghlacadh in obair bheirte ná obair ghrúpa. B’fhearr ríomhaire deisce nó glúine a úsáid, mar sin.
Molaimid do na rannpháirtithe a gceamara a chur ar siúl le linn na ranganna de bhrí go gcuireann sé sin le hatmaisféar an ranga. Mura dteastaíonn uaitse do cheamara a chur ar siúl, áfach, ní gá duit é sin a dhéanamh.
Beidh ar a laghad seisear foghlaimeoirí eile sa rang agus ocht nduine dhéag ar a mhéad.
Beidh obair bheirte agus obair ghrúpa mar chuid lárnach de gach rang, mar sin beidh neart deiseanna labhartha agat. Beidh deis agat lámh fhíorúil a chur in airde agus ceisteanna a chur ar an múinteoir ó bhéal am ar bith is mian.
Ní bheidh. Seolfar leabhrán digiteach chugat roimh thús an chúrsa agus beidh tú ábalta an t-ábhar sin a úsáid le linn na ranganna agus chun staidéar a dhéanamh ó sheachtain go seachtain. Tá costas an leabhráin seo san áireamh i dtáille an chúrsa. Beidh fáil agat ar na nótaí ar fad ar líne freisin. Tá na ranganna ag an mbunleibhéal agus ag meánleibhéal 1 bunaithe ar an dá leabhar sa tsraith Gaeilge gan Stró!, ach ní gá d’fhoghlaimeoirí sna ranganna sin na leabhair sin a cheannach. Nóta: Beidh an leabhar Gramadach gan Stró! le ceannach roimh ré acusan a bheidh ag freastal ar Chruinneas 1 agus ar Chruinneas 2. Beidh siad in ann an téacsleabhar sin a cheannach ar leathphraghas (€10), móide postas.
I gcás na mbunranganna agus na meánranganna, beidh ceachtanna beaga scríofa i gceist ó am go chéile ach beidh an bhéim ar labhairt na teanga den chuid is mó. Múinfimid an ghramadach i gcomhthéacs, de réir mar a bheidh sí ag teastáil, agus féachfaimid i gcónaí gan an iomarca béime a chur uirthi. Beidh níos mó scríbhneoireachta agus gramadaí i gceist sna leibhéil is airde, go háirithe sna ranganna cruinnis.

Téarmaí agus Coinníollacha

  • Is féidir táille cúrsa a aisíoc ina hiomláine le foghlaimeoir suas go cúig lá oibre roimh thús an chúrsa. Is gá teagmháil a dhéanamh le foireann Ghaelchultúir ar an ríomhphost nó ar an nguthán agus an aisíocaíocht sin a iarraidh. (Tá ár gcuid sonraí teagmhála ar fáil anseo.)
  • Má shocraíonn an mac léinn i ndiaidh an chéad ranga gur mhaith leis/léi éirí as an gcúrsa, aisíocfar 60% den táille iomlán leis/léi. Ina dhiaidh sin, ní thabharfar aon aisíocaíocht don mhac léinn.
  • Tá sé de cheart ag Gaelchultúr Teoranta rang a chur ar ceal nó ranganna a chur le chéile.
  • IMás gá cúrsa a chur ar ceal, déanfar gach iarracht na rannpháirtithe a chur i rang eile nó a chlárú ar chúrsa ar líne. Tabharfar aisíocaíocht iomlán don chustaiméir mura bhfeileann na roghanna sin dó/di.
  • Ní féidir le mac léinn a c(h)lárúchán a chur siar ach uair amháin. Más mian leis/léi an clárúchán a chur siar, is gá é sin a chur in iúl d’fhoireann Ghaelchultúr faoi sheachtain a trí den chúrsa. Ní thabharfar aon aisíocaíocht don mhac léinn mura nglacann sé/sí le háit ar an gcéad chúrsa eile a bhfuil sé/sí in ainm is freastal air.
  • Má chláraíonn mac léinn ar an leibhéal mícheart, ní ghlacfaidh Gaelchultúr le freagracht ar bith maidir leis sin. Molaimid dár mic léinn ar fad tabhairt faoin triail Ghaeilge ar líne nó comhairle a lorg uainn le cinntiú go bhfuil siad ag tabhairt faoin leibhéal ceart.
  • Má tá mac léinn ag iarraidh bogadh go leibhéal eile, ní féidir gealltanas a thabhairt go mbeidh spás ar fáil dó/di sa leibhéal sin. Má bhíonn spás ar fáil, gearrfaidh Gaelchultúr €10 le híoc as an gcostas riaracháin a bhainfidh leis an aistriú. Ní féidir aistriú go leibhéal eile ach i ndiaidh an chéad ranga amháin.
  • Is gá táille iomlán an chúrsa a íoc roimh thús an chúrsa. Ní féidir freastal ar an gcúrsa mura bhfuil an táille iomlán íoctha.

B’fhéidir go mbeadh suim agat sna cúrsaí seo a leanas

Caith súil ar na cúrsaí go léir