Cúrsaí Gaeilge ar Líne

Image Description
Scothchúrsa ar fad, idir dhaltaí agus mhúinteoirí, deis iontach chun snas a chur ar do Ghaeilge scríofa agus labhartha. Táim ag súil go mór le mo chéad chúrsa eile a dhéanamh le Gaelchultúr.
Cruinneas (C2)
Caitríona
Image Description
Cé go bhfuil dúshlán ag baint leis na cúrsaí seo, is fiú go mór iad nuair a fheiceann tú an feabhas a thagann ar do chumas teanga de réir mar a théann na seachtainí ar aghaidh. Tá sé i gceist agam clárú arís ar chúrsaí eile amach anseo.
Bonnleibhéal 2 (A2)
Ciarán
Image Description
Mholfainn na cúrsaí seo go hard na spéire. Bhí an cúrsa dírithe i ndáiríre ar thriail a bhaint aisti agus ní raibh béim ar an bhfoirfeacht ná ar a bheith mar ‘ghardaí gramadaí’, a bhí iontach mar chur chuige.
Bonnleibhéal 2 (A2)
Laura
Cúrsaí Gaeilge ar Líne
Léirigh spéis
10 Seachtaine
20 Uair
8 Leibhéal
Ar líne
Déan do chuid Gaeilge a thástáil

Faigh amach cén leibhéal is oiriúnaí duitse.

Cuir tús leis an tástáil

Cur síos

Téigh ar aistear Gaeilge le Gaelchultúr, an soláthraí cúrsaí Gaeilge is mó ar domhan. Inár gcuid cúrsaí ar líne, cuirtear eispéireas spreagúil, idirghníomhach agus saibhir ó thaobh cultúir de ar fáil, a cheanglaíonn foghlaimeoirí ó bhreis agus 30 tír le chéile.

Más glantosaitheoir iomlán thú nó má tá tú ag iarraidh do líofacht a fheabhsú nó do chruinneas a fhorbairt, is féidir tabhairt faoi chúrsa linn a thagann le do leibhéal agus riachtanais teanga. Agus tú cláraithe le Gaelchultúr, bainfidh tú taitneamh agus tairbhe as ranganna beaga, teagascóirí saineolacha agus timpeallacht foghlama fháilteach ina gcothaítear muinín agus cumarsáid.

Is féidir tabhairt faoi gach leibhéal faoi thrí – san earrach, sa samhradh agus san fhómhar - úsáidtear ábhar éagsúil sa chúrsa gach téarma ionas gur féidir leat do chuid Gaeilge a fhorbairt go leanúnach.

Má chláraíonn tú ar chúrsa linn, gheobhaidh tú rochtain trí mhí saor in aisce ar acmhainní foghlama breise ar Ranganna.com (luach €45). Tá físeáin agus míreanna fuaime mar chuid de na hacmhainní idirghníomhacha seo agus cabhróidh siad leat an méid a d’fhoghlaim tú sa rang a threisiú agus cuir níos mó le do scileanna teanga ar do luas féin.

Bí mar chuid de phobal domhanda de breis agus 50,000 foghlaimeoir a roghnaigh Gaelchultúr chun cur lena gcuid Gaeilge agus chun ceangal a chothú le cultúr na Gaeilge ar bhealach bríomhar nua-aimseartha.

Leibhéil na gCúrsaí

Tá cúrsaí Gaeilge ar líne Ghaelchultúir ar fáil ag 8 leibhéal éagsúla chun freastal ar réimse leathan cumas teanga:

  • Bonnleibhéal 1 (A1)
  • Bonnleibhéal 2 (A2)
  • Meánleibhéal 1 (B1)
  • Meánleibhéal 2 (B2)
  • Ardleibhéal 1 (C1)
  • Ardleibhéal 2 (C2)
  • Cruinneas sa Ghaeilge 1
  • Cruinneas sa Ghaeilge 2

Is féidir leat ár dTriail Ghaeilge ar Líne a dhéanamh chun an leibhéal is oiriúnaí duitse a mheas.

Aidhmeanna

Saindearadh cúrsaí ar líne Ghaelchultúir le cuidiú le foghlaimeoirí:

  • cuir lena gcuid scileanna teanga, go háirithe scileanna labhartha agus éisteachta
  • a gcuid muiníne i leith úsáid na teanga a fhorbairt
  • stór focal níos leithne atá bunaithe ar theanga laethúil a fhoghlaim agus a fhorbairt
  • tuiscint níos fearr a fháil ar ghramadach na Gaeilge ó chomhthéacsanna praiticiúla
  • léargas uathúil a fháil ar chultúr, traidisiúin agus sochaí chomhaimseartha na hÉireann

Cuirfidh iad siúd a dhéanann Cruinneas sa Ghaeilge 1 agus 2 go mór lena scileanna scríbhneoireachta agus beidh tuiscint níos doimhne acu ar rialacha gramadaí.

Ábhar an Chúrsa

Tá siollabais chuimsitheacha forbartha ag Gaelchultúr ag gach leibhéal chun eispéireas foghlama caighdeánach agus leanúnach a chinntiú. Dírítear ar thopaic faoi leith i ngach rang agus déantar plé ar an teanga laethúil úsáideach a bhaineann leis trí thabhairt faoi ghníomhaíochtaí idirghníomhacha labhartha, éisteachta agus scríofa. Seo a leanas samplaí de thopaicí a chlúdaítear ag leibhéil éagsúla:

  • Cúlra agus Áit Chónaithe
  • An Saol Laethúil
  • Laethanta Saoire agus Taisteal
  • An Saol Oibre
  • Cúrsaí Oideachais
  • Bia agus Deoch
  • Na Meáin Chumarsáide
  • An Litríocht
  • Logainmneacha

Struchtúr an Chúrsa

  • Fad: 10 seachtaine
  • Minicíocht na Ranganna: Uair sa tseachtain
  • Fad na ranganna: 2 uair an chloig
  • Uaireanta Teagmhála san iomlán: 20 uair
  • Modh Teagaisc: Ranganna beo ar líne ar ardán so-úsáidte
  • Ábhar: Lámhleabhar digiteach ina bhfuil ábhar foghlama ar ardchaighdeán agus rochtain trí mhí ar acmhainní foghlama breise ar Ranganna.com
  • Teagasc: Saineolaithe teanga a bhfuil an-taithí acu ar mhúineadh na Gaeilge.

Leagtar ár gcúrsaí amach le go mbeidh siad solúbtha agus inrochtana chun an deis a thabhairt do gach duine a bheith ag foghlaim ón mbaile ar a gcompord agus iad mar chuid de phobal domhanda bríomhar de lucht labhartha na Gaeilge.

Ár gcur chuige múinteoireachta

Tá siollabais chuimsitheacha forbartha ag Gaelchultúr agus leantar na siollabais seo i ngach rang ag gach leibhéal.

Baineann cuid múinteoirí Ghaelchultúir úsáid as an gcur chuige cumarsáideach, rud a chiallaíonn go mbíonn deis ag na foghlaimeoirí páirt ghníomhach a ghlacadh i ngach rang.

Bíonn obair bheirte agus obair ghrúpa i gceist go leanúnach, mar sin bíonn seans ag na foghlaimeoirí cleachtadh a dhéanamh ar an méid a mhúintear dóibh. Bíonn an bhéim ar labhairt na teanga agus ar an éisteacht den chuid is mó (ach amháin sa rang cruinnis), ach tugtar deis do na foghlaimeoirí an teanga a léamh agus a scríobh ó am go chéile chomh maith.

Foghlaim níos mó fúinn

Ceisteanna Coitianta

Beidh ríomhaire glúine nó deisce le ceamara agus micreafón air de dhíth ort.
Cuirfear nasc Zoom chugat sa ríomhphost roimh thús an chúrsa. Beidh an nasc sin le húsáid agat le logáil isteach ar an rang gach seachtain.
Is féidir ach ní bheidh tú in ann páirt a ghlacadh in obair bheirte ná obair ghrúpa. B’fhearr ríomhaire deisce nó glúine a úsáid, mar sin.
Molaimid do na rannpháirtithe a gceamara a chur ar siúl le linn na ranganna de bhrí go gcuireann sé sin le hatmaisféar an ranga. Mura dteastaíonn uaitse do cheamara a chur ar siúl, áfach, ní gá duit é sin a dhéanamh.
Beidh ar a laghad seisear foghlaimeoirí eile sa rang agus ocht nduine dhéag ar a mhéad.
Beidh obair bheirte agus obair ghrúpa mar chuid lárnach de gach rang, mar sin beidh neart deiseanna labhartha agat. Beidh deis agat lámh fhíorúil a chur in airde agus ceisteanna a chur ar an múinteoir ó bhéal am ar bith is mian.
Ní bheidh. Seolfar leabhrán digiteach chugat roimh thús an chúrsa agus beidh tú ábalta an t-ábhar sin a úsáid le linn na ranganna agus chun staidéar a dhéanamh ó sheachtain go seachtain. Tá costas an leabhráin seo san áireamh i dtáille an chúrsa. Beidh fáil agat ar na nótaí ar fad ar líne freisin.

Téarmaí agus Coinníollacha

  • Is féidir táille cúrsa a aisíoc ina hiomláine le foghlaimeoir suas go cúig lá oibre roimh thús an chúrsa. Is gá teagmháil a dhéanamh le foireann Ghaelchultúir ar an ríomhphost nó ar an nguthán agus an aisíocaíocht sin a iarraidh. (Tá ár gcuid sonraí teagmhála ar fáil anseo.)
  • Má shocraíonn an mac léinn i ndiaidh an chéad ranga gur mhaith leis/léi éirí as an gcúrsa, aisíocfar 60% den táille iomlán leis/léi. Ina dhiaidh sin, ní thabharfar aon aisíocaíocht don mhac léinn.
  • Tá sé de cheart ag Gaelchultúr Teoranta rang a chur ar ceal nó ranganna a chur le chéile.
  • IMás gá cúrsa a chur ar ceal, déanfar gach iarracht na rannpháirtithe a chur i rang eile nó a chlárú ar chúrsa ar líne. Tabharfar aisíocaíocht iomlán don chustaiméir mura bhfeileann na roghanna sin dó/di.
  • Ní féidir le mac léinn a c(h)lárúchán a chur siar ach uair amháin. Más mian leis/léi an clárúchán a chur siar, is gá é sin a chur in iúl d’fhoireann Ghaelchultúr faoi sheachtain a trí den chúrsa. Ní thabharfar aon aisíocaíocht don mhac léinn mura nglacann sé/sí le háit ar an gcéad chúrsa eile a bhfuil sé/sí in ainm is freastal air.
  • Má chláraíonn mac léinn ar an leibhéal mícheart, ní ghlacfaidh Gaelchultúr le freagracht ar bith maidir leis sin. Molaimid dár mic léinn ar fad tabhairt faoin triail Ghaeilge ar líne nó comhairle a lorg uainn le cinntiú go bhfuil siad ag tabhairt faoin leibhéal ceart.
  • Má tá mac léinn ag iarraidh bogadh go leibhéal eile, ní féidir gealltanas a thabhairt go mbeidh spás ar fáil dó/di sa leibhéal sin. Má bhíonn spás ar fáil, gearrfaidh Gaelchultúr €10 le híoc as an gcostas riaracháin a bhainfidh leis an aistriú. Ní féidir aistriú go leibhéal eile ach i ndiaidh an chéad ranga amháin.
  • Is gá táille iomlán an chúrsa a íoc roimh thús an chúrsa. Ní féidir freastal ar an gcúrsa mura bhfuil an táille iomlán íoctha.
  • Caithfidh gach foghlaimeoir cloí lenár gCód Iompair agus iad ag freastal ar chúrsa linn.
  • Níl cead ag daoine faoi 18 bliain d’aois freastal ach ar chúrsaí áirithe, atá sainscríofa agus curtha in oiriúint do dhaoine faoi 18 bliain d’aois. Tá ár Ráiteas um Chosaint Leanaí le fáil anseo.

B’fhéidir go mbeadh suim agat sna cúrsaí seo a leanas

Caith súil ar na cúrsaí go léir