Scileanna Gutháin agus Seirbhís do Chustaiméirí – Cúrsa Leathlae
Bhí sé go hálainn mo chuid Gaeilge a thabhairt chun cuimhne arís.
Rannpháirtí / Participant
Cur síos
Cuireann Gaelchultúr, i gcomhar le Foras na Gaeilge, an cúrsa leathlae tarraingteach seo ar fáil atá dírithe ar bhaill foirne teileafóin agus cúraim custaiméirí in údaráis áitiúla agus san earnáil phoiblí. Dearadh é go sonrach dóibh siúd a bhíonn ag idirghníomhú go rialta leis an bpobal agus ar gá dóibh seirbhísí a sholáthar i nGaeilge ó am go chéile. Tá an cúrsa oiriúnach dóibh siúd a bhfuil réamheolas acu ar an nGaeilge – ón scoil, b’fhéidir – ach nár bhain úsáid as an teanga le blianta beaga anuas, agus cuirtear timpeallacht thacúil phraiticiúil ar fáil ann lena scileanna a athnuachan agus a fhorbairt. Reáchtáiltear an cúrsa go hiomlán ar líne ar mhaithe leis an tsolúbthacht ach baineann go leor idirghníomhaíochta leis dá ainneoin sin.
Torthaí Foghlama
Seo thíos na torthaí foghlama a bheidh i gceist dóibh siúd a n-éireoidh leo an cúrsa a chríochnú go rathúil:- Cumas seirbhísí a sholáthar ar an nguthán nó duine le duine don phobal
- Eolas ar chearta teanga phobal na hÉireann
- Níos mó muiníne as an nGaeilge a labhairt i gcomhthéacs na hoibre agus go sóisialta
- Eolas ar acmhainní éagsúla Gaeilge agus conas iad a úsáid go héifeachtach
Ábhar an Chúrsa
Clúdaítear raon ábhar riachtanach sa chúrsa praiticiúil seo lena chinntiú go bhfaigheann foghlaimeoirí stór focal agus na scileanna riachtanacha a theastaíonn leis an nGaeilge a úsáid go héifeachtach i gcomhthéacs na hoibre:- Nathanna bunúsacha chun tús agus deireadh a chur le comhrá as Gaeilge,
- Stór focal do ranna rialtais, do chomhairlí agus do bhailte seirbhísí sa Ghaeltacht,
- Téarmaí coitianta a bhaineann le ranna comhairle agus seirbhísí poiblí,
- Frásaí úsáideacha do ghlaonna gutháin, sonraí a sholáthar agus leithscéalta a láimhseáil san áireamh,
- Conas tú féin agus daoine eile a chur in aithne go héifeachtach i nGaeilge.
Struchtúr an Chúrsa
- Seisiún beo ar líne: Rang fíorúil spreagúil 3 uair an chloig ina nglacann foghlaimeoirí páirt ghníomhach i suíomhanna ón bhfíorshaol le muinín agus líofacht a chothú.
- Ábhair ríomhfhoghlama: Faigheann foghlaimeoirí rochtain 3 mhí ar Ranganna.com, ina bhfuil comhaid fuaime d’ábhar uile an chúrsa. Tugann na hacmhainní seo deis do rannpháirtithe athchuairt a thabhairt ar an ábhar agus a gcuid foghraíochta a shealbhú ar a luas féin.
- Cúrsa Ríomhfhoghlama Féinstiúrtha: Faigheann rannpháirtithe rochtain 3 mhí saor in aisce ar Gaeilge gan Stró! – Beginners Level, clár cuimsitheach féinstaidéir ar luach €45, ionas gur féidir leo leanúint dá scileanna Gaeilge a fhorbairt go neamhspleách tar éis an chúrsa.
Cuir an cúrsa in áirithe
Cúrsa Leathlae
|
1.00-4.15pm
|
1 Leibhéal
|
€249.00
Bonnleibhéal go Meánleibhéal
Leibhéil
Lá
Am
Dáta tosaigh
Ár gcur chuige múinteoireachta
Tá siollabais chuimsitheacha forbartha ag Gaelchultúr agus leantar na siollabais seo i ngach rang ag gach leibhéal.
Baineann cuid múinteoirí Ghaelchultúir úsáid as an gcur chuige cumarsáideach, rud a chiallaíonn go mbíonn deis ag na foghlaimeoirí páirt ghníomhach a ghlacadh i ngach rang.
Bíonn obair bheirte agus obair ghrúpa i gceist go leanúnach, mar sin bíonn seans ag na foghlaimeoirí cleachtadh a dhéanamh ar an méid a mhúintear dóibh. Bíonn an bhéim ar labhairt na teanga agus ar an éisteacht den chuid is mó (ach amháin sa rang cruinnis), ach tugtar deis do na foghlaimeoirí an teanga a léamh agus a scríobh ó am go chéile chomh maith.
Foghlaim níos mó fúinnCeisteanna Coitianta
Beidh ríomhaire glúine nó deisce de dhíth ort, ceangal réasúnta leathanbhanda agus gléas cinn a bhfuil micreafón mar chuid de.
Cuirfear nasc Zoom chugat ar an ríomhphost roimh thús an chúrsa. Beidh an nasc sin le húsáid agat le logáil isteach ar an rang gach seachtain.
Is féidir ach ní bheidh tú in ann páirt a ghlacadh in obair bheirte ná obair ghrúpa. B’fhearr ríomhaire deisce nó glúine a úsáid, mar sin.
Molaimid do na rannpháirtithe a gceamara a chur ar siúl le linn na ranganna de bhrí go gcuireann sé sin le hatmaisféar an ranga. Mura dteastaíonn uaitse do cheamara a chur ar siúl, áfach, ní gá duit é sin a dhéanamh.
Beidh ar a laghad seisear foghlaimeoirí eile sa rang agus ocht nduine dhéag ar a mhéad.
Beidh obair bheirte agus obair ghrúpa mar chuid lárnach de gach rang, mar sin beidh neart deiseanna labhartha agat. Beidh deis agat lámh fhíorúil a chur in airde agus ceisteanna a chur ar an múinteoir ó bhéal am ar bith is mian.
Ní bheidh. Seolfar leabhrán digiteach chugat roimh thús an chúrsa agus beidh tú ábalta an t-ábhar sin a úsáid le linn na ranganna agus chun staidéar a dhéanamh ó sheachtain go seachtain. Tá costas an leabhráin seo san áireamh i dtáille an chúrsa. Beidh fáil agat ar na nótaí ar fad ar líne freisin.
Tá na ranganna ag an mbonnleibhéal agus ag meánleibhéal 1 bunaithe ar an dá leabhar sa tsraith Gaeilge gan Stró!, ach ní gá d’fhoghlaimeoirí sna ranganna sin na leabhair sin a cheannach.
Nóta: Beidh an leabhar Gramadach gan Stró! le ceannach roimh ré acusan a bheidh ag freastal ar Chruinneas 1 agus ar Chruinneas 2. Beidh siad in ann an téacsleabhar sin a cheannach ar leathphraghas (€10), móide postas.
I gcás na mbonnleibhéil agus na meánleibhéil, beidh ceachtanna beaga scríofa i gceist ó am go chéile ach beidh an bhéim ar labhairt na teanga den chuid is mó. Múinfimid an ghramadach i gcomhthéacs, de réir mar a bheidh sí ag teastáil, agus féachfaimid i gcónaí gan an iomarca béime a chur uirthi.
Beidh níos mó scríbhneoireachta agus gramadaí i gceist sna leibhéil is airde, go háirithe sna ranganna cruinnis.
Téarmaí agus Coinníollacha
- Is féidir táille cúrsa a aisíoc ina hiomláine le foghlaimeoir suas go cúig lá oibre roimh thús an chúrsa. Is gá teagmháil a dhéanamh le foireann Ghaelchultúir ar an ríomhphost nó ar an nguthán agus an aisíocaíocht sin a iarraidh. (Tá ár gcuid sonraí teagmhála ar fáil anseo.)
- Má shocraíonn an mac léinn i ndiaidh an chéad ranga gur mhaith leis/léi éirí as an gcúrsa, aisíocfar 60% den táille iomlán leis/léi. Ina dhiaidh sin, ní thabharfar aon aisíocaíocht don mhac léinn.
- Tá sé de cheart ag Gaelchultúr Teoranta rang a chur ar ceal nó ranganna a chur le chéile.
- IMás gá cúrsa a chur ar ceal, déanfar gach iarracht na rannpháirtithe a chur i rang eile nó a chlárú ar chúrsa ar líne. Tabharfar aisíocaíocht iomlán don chustaiméir mura bhfeileann na roghanna sin dó/di.
- Ní féidir le mac léinn a c(h)lárúchán a chur siar ach uair amháin. Más mian leis/léi an clárúchán a chur siar, is gá é sin a chur in iúl d’fhoireann Ghaelchultúr faoi sheachtain a trí den chúrsa. Ní thabharfar aon aisíocaíocht don mhac léinn mura nglacann sé/sí le háit ar an gcéad chúrsa eile a bhfuil sé/sí in ainm is freastal air.
- Má chláraíonn mac léinn ar an leibhéal mícheart, ní ghlacfaidh Gaelchultúr le freagracht ar bith maidir leis sin. Molaimid dár mic léinn ar fad tabhairt faoin triail Ghaeilge ar líne nó comhairle a lorg uainn le cinntiú go bhfuil siad ag tabhairt faoin leibhéal ceart.
- Má tá mac léinn ag iarraidh bogadh go leibhéal eile, ní féidir gealltanas a thabhairt go mbeidh spás ar fáil dó/di sa leibhéal sin. Má bhíonn spás ar fáil, gearrfaidh Gaelchultúr €10 le híoc as an gcostas riaracháin a bhainfidh leis an aistriú. Ní féidir aistriú go leibhéal eile ach i ndiaidh an chéad ranga amháin.
- Is gá táille iomlán an chúrsa a íoc roimh thús an chúrsa. Ní féidir freastal ar an gcúrsa mura bhfuil an táille iomlán íoctha.
- Caithfidh gach foghlaimeoir cloí lenár gCód Iompair agus iad ag freastal ar chúrsa linn.
- Níl cead ag daoine faoi 18 bliain d’aois freastal ach ar chúrsaí áirithe, atá sainscríofa agus curtha in oiriúint do dhaoine faoi 18 bliain d’aois. Tá ár Ráiteas um Chosaint Leanaí le fáil anseo.
B’fhéidir go mbeadh suim agat sna cúrsaí seo a leanas
Teastas sa Ghaeilge Ghairmiúil
Cúrsa 3 mhí
|
30 Uair
|
5 Leibhéal
Foghlaim Gaeilge ar do luas féin
Is suíomh gréasáin ríomhfhoghlama é Ranganna.com a chuirfidh ar do chumas Gaeilge nádúrtha a fhoghlaim go neamhspleách. I mbeagán focal, is é an áit is fearr chun Gaeilge a fhoghlaim ar líne.
Bain triail as saor in aisce
