
MGO (Bun.) Hibernia: Cúrsa Ullmhúcháin don Agallamh Gaeilge

Cur síos
Dearadh an cúrsa aon lae seo go sonrach d’iarrthóirí atá ag ullmhú don agallamh Gaeilge mar chuid den phróiseas iontrála don Mháistreacht Ghairmiúil san Oideachas (Bunmhúinteoireacht). Sa chúrsa seo, dírítear ar na príomhthopaicí comhrá a thagann chun cinn go coitianta san agallamh, rud a chabhraíonn le rannpháirtithe a scileanna cainte a fheabhsú agus a stór focal a shaibhriú. Cibé acu má rinne tú staidéar ar an nGaeilge ar scoil ach nach raibh deis agat í a úsáid go rialta ó shin nó má tá ardú muiníne de dhíth ort, cuireann an cúrsa seo timpeallacht foghlama atá tacúil agus spreagúil ar fáil chun do scileanna teanga a threisiú. Reáchtáiltear an cúrsa go hiomlán ar líne ar mhaithe leis an tsolúbthacht ach is cúrsa an-idirghníomhach é dá ainneoin sin.
Torthaí Foghlama
Seo thíos na torthaí foghlama a bheidh i gceist dóibh siúd a n-éireoidh leo an cúrsa a chríochnú go rathúil:- Beidh siad in ann tús maith muiníneach a chur leis an agallamh.
- Beidh eolas acu ar conas na briathra a úsáid i gceart agus freagraí a chumadh atá cruinn ó thaobh na gramadaí de.
- Beidh siad in ann freagraí cuimsitheacha ar ardchaighdeán a sholáthar ar na ceisteanna agallaimh coitianta.
- Beidh eolas acu ar acmhainní éagsúla Gaeilge agus conas iad a úsáid go héifeachtach.
Ábhar an chúrsa
Cuirtear béim láidir ar scileanna labhartha agus éisteachta le linn an chúrsa seo agus múintear an ghramadach i gcomhthéacs praiticiúil lena chinntiú gur féidir le rannpháirtithe an t-eolas a chur i bhfeidhm go héifeachtach. Déantar plé ar struchtúr an agallaimh agus roinntear leideanna agus straitéisí úsáideacha leis na rannpháirtithe chun cabhrú leo san agallamh féin. Clúdaítear na topaicí cainte seo a leanas le linn an tseisiúin:- Cúlra agus Áit Chónaithe
- An Teaghlach
- An Saol Oibre
- Laethanta Saoire agus Taisteal
- Teangacha
- Cúrsaí Oideachais agus Gairm an Mhúinteora
- Stíl Mhaireachtála
- Labhairt faoin Am atá Thart
- Labhairt faoin Am atá Romhainn
- Comhthéacsanna samhalta (e.g., Dá mbeinn i m’Aire Oideachais...)
Struchtúr an Chúrsa
- Seisiún beo ar líne: Rang fíorúil spreagúil 3 uair an chloig ina nglacann foghlaimeoirí páirt ghníomhach i suíomhanna ón bhfíorshaol le muinín agus líofacht a chothú.
- Cúrsa Ríomhfhoghlama Féinstiúrtha: Rochtain 3 mhí saor in aisce ar an Dianchúrsa Ullmhúcháin d'Agallamh Gaeilge na Máistreachta Gairmiúla san Oideachas (Bunmhúinteoireacht): Hibernia, clár cuimsitheach féinstaidéir ar luach €95 ar a mbeidh rochtain acu ar chomhaid fuaime d’ábhar an chúrsa. Tugann an acmhainn seo deis do rannpháirtithe dul siar ar an ábhar agus cleachtadh a dhéanamh ar a bhfreagraí agus ar an bhfoghraíocht chun tuilleadh ullmhúcháin a dhéanamh sula dtabharfaidh siad faoin agallamh.
Cuir an cúrsa in áirithe
Cúrsa Hibernia
Ár gcur chuige múinteoireachta
Tá siollabais chuimsitheacha forbartha ag Gaelchultúr agus leantar na siollabais seo i ngach rang ag gach leibhéal.
Baineann cuid múinteoirí Ghaelchultúir úsáid as an gcur chuige cumarsáideach, rud a chiallaíonn go mbíonn deis ag na foghlaimeoirí páirt ghníomhach a ghlacadh i ngach rang.
Bíonn obair bheirte agus obair ghrúpa i gceist go leanúnach, mar sin bíonn seans ag na foghlaimeoirí cleachtadh a dhéanamh ar an méid a mhúintear dóibh. Bíonn an bhéim ar labhairt na teanga agus ar an éisteacht den chuid is mó (ach amháin sa rang cruinnis), ach tugtar deis do na foghlaimeoirí an teanga a léamh agus a scríobh ó am go chéile chomh maith.
Foghlaim níos mó fúinnCeisteanna Coitianta
Téarmaí agus Coinníollacha
- Is féidir táille cúrsa a aisíoc ina hiomláine le foghlaimeoir suas go cúig lá oibre roimh thús an chúrsa. Is gá teagmháil a dhéanamh le foireann Ghaelchultúir ar an ríomhphost nó ar an nguthán agus an aisíocaíocht sin a iarraidh. (Tá ár gcuid sonraí teagmhála ar fáil anseo.)
- Má shocraíonn an mac léinn i ndiaidh an chéad ranga gur mhaith leis/léi éirí as an gcúrsa, aisíocfar 60% den táille iomlán leis/léi. Ina dhiaidh sin, ní thabharfar aon aisíocaíocht don mhac léinn.
- Tá sé de cheart ag Gaelchultúr Teoranta rang a chur ar ceal nó ranganna a chur le chéile.
- IMás gá cúrsa a chur ar ceal, déanfar gach iarracht na rannpháirtithe a chur i rang eile nó a chlárú ar chúrsa ar líne. Tabharfar aisíocaíocht iomlán don chustaiméir mura bhfeileann na roghanna sin dó/di.
- Ní féidir le mac léinn a c(h)lárúchán a chur siar ach uair amháin. Más mian leis/léi an clárúchán a chur siar, is gá é sin a chur in iúl d’fhoireann Ghaelchultúr faoi sheachtain a trí den chúrsa. Ní thabharfar aon aisíocaíocht don mhac léinn mura nglacann sé/sí le háit ar an gcéad chúrsa eile a bhfuil sé/sí in ainm is freastal air.
- Má chláraíonn mac léinn ar an leibhéal mícheart, ní ghlacfaidh Gaelchultúr le freagracht ar bith maidir leis sin. Molaimid dár mic léinn ar fad tabhairt faoin triail Ghaeilge ar líne nó comhairle a lorg uainn le cinntiú go bhfuil siad ag tabhairt faoin leibhéal ceart.
- Má tá mac léinn ag iarraidh bogadh go leibhéal eile, ní féidir gealltanas a thabhairt go mbeidh spás ar fáil dó/di sa leibhéal sin. Má bhíonn spás ar fáil, gearrfaidh Gaelchultúr €10 le híoc as an gcostas riaracháin a bhainfidh leis an aistriú. Ní féidir aistriú go leibhéal eile ach i ndiaidh an chéad ranga amháin.
- Is gá táille iomlán an chúrsa a íoc roimh thús an chúrsa. Ní féidir freastal ar an gcúrsa mura bhfuil an táille iomlán íoctha.
- Caithfidh gach foghlaimeoir cloí lenár gCód Iompair agus iad ag freastal ar chúrsa linn.
- Níl cead ag daoine faoi 18 bliain d’aois freastal ach ar chúrsaí áirithe, atá sainscríofa agus curtha in oiriúint do dhaoine faoi 18 bliain d’aois. Tá ár Ráiteas um Chosaint Leanaí le fáil anseo.
B’fhéidir go mbeadh suim agat sna cúrsaí seo a leanas


Cúrsaí Gaeilge ar líne
Foghlaim Gaeilge ar do luas féin
Is suíomh gréasáin ríomhfhoghlama é Ranganna.com a chuirfidh ar do chumas Gaeilge nádúrtha a fhoghlaim go neamhspleách. I mbeagán focal, is é an áit is fearr chun Gaeilge a fhoghlaim ar líne.
Bain triail as saor in aisce
