Dianchúrsa i gCruinneas na Gaeilge

Image Description
Bhí mé thar a bheith sásta leis an ábhar, go rabhamar ag díriú isteach ar na ceisteanna deacra díreach ón tús, go raibh deis againn bualadh le chéile sna seomraí beaga agus go raibh an múinteoir iontach tuisceanach, lách agus eolach, ar ndóigh.
Rannpháirtí / Participant
Image Description
Bhí an cúrsa taitneamhach agus an bheirt teagascóirí thar cionn.
Rannpháirtí / Participant
Image Description
Tá an cúrsa seo thar barr! Bhain mé a lán taitnimh agus tairbhe as! Níl a lán cúrsaí ardleibhéil ar fáil ar líne atá oiriúnach do dhaoine thar lear cosúil liomsa.
Rannpháirtí / Participant
Dianchúrsa i gCruinneas na Gaeilge
€450.00
Cláraigh anois
Ó 25 Eanáir 2025
4 Sheisiún
Cruinneas
Ar líne
Déan do chuid Gaeilge a thástáil

Faigh amach cén leibhéal is oiriúnaí duitse.

Cuir tús leis an tástáil

Cur síos

Tá an Dianchúrsa i gCruinneas na Gaeilge dírithe orthu siúd a bhfuil líofacht sa Ghaeilge acu cheana féin ach ar mhian leo cruinneas sa teanga a bhaint amach. Cuirfidh an cúrsa seo ar a gcumas an Ghaeilge a úsáid níos éifeachtaí agus níos muiníní i gcomhthéacs na hoibre agus go sóisialta.

Dírítear sa chúrsa seo ar chruinneas gramadaí, ar chúrsaí stíle agus ar an aistriúchán. Téitear i ngleic leis na rialacha gramadaí is mó a mbíonn deacracht ag daoine leo agus iad ag scríobh i nGaeilge agus cuirtear le saibhreas teanga na rannpháirtithe trí dhea-mhúnlaí scríbhneoireachta a chur faoina mbráid agus féachaint ar straitéisí chun nósanna coitianta ar nós an Bhéarlachais agus struchtúir lochtacha a sheachaint.

Seo iad dátaí ranganna an chéad chúrsa eile:

  • Dé Sathairn, 25 Eanáir 2025
  • Dé Sathairn, 22 Feabhra 2025
  • Dé Sathairn, 22 Márta 2025
  • Dé Sathairn, 12 Aibreán 2025
  • Scrúdú Ceann Cúrsa (Roghnach): Dé Sathairn, 26 Aibreán 2025

Tá tascanna leanúnacha idir na seisiúin mar chuid lárnach den chúrsa agus cuirtear aiseolas cuimsitheach ar fáil do na rannpháirtithe ar na píosaí oibre seo, rud a chuireann go mór lena ndul chun cinn.

Idir ranganna beo le saineolaí, obair leanúnach, aiseolas cuimsitheach agus áiseanna staidéir, seo é an dianchúrsa páirtaimseartha is cuimsithí atá ar fáil.

Torthaí Foghlama

Seo thíos na torthaí foghlama a bheidh i gceist dóibh siúd a n-éiríonn leo an cúrsa a chríochnú go rathúil:

  • Eolas cuimsitheach ar phríomhghnéithe ghramadach na Gaeilge
  • In ann téacsanna gairide a scríobh atá cruinn agus dea-structúrtha
  • In ann téacsanna gairide a aistriú ó Bhéarla go Gaeilge
  • Tuiscint níos fearr ar an mBéarlachas agus conas é a aithint agus a sheachaint
  • Níos muiníne agus an Ghaeilge á húsáid acu i gcomhthéacs na hoibre agus go sóisialta.

Ábhar an chúrsa

Clúdaítear na gnéithe teanga seo a leanas le linn an chúrsa:

  • An t-ainmfhocal
  • Na réamhfhocail shimplí
  • Ainmfhocal agus aidiacht
  • Forainmneacha réamhfhoclacha
  • Uimhreacha pearsanta
  • Uimhir agus ainmfhocal
  • Foirm an ainmnigh in ionad an ghinidigh
  • Clásal coibhneasta díreach agus indíreach
  • Cúrsaí poncaíochta agus stíle
  • Saibhreas na Gaeilge
  • Cúrsaí aistriúcháin

Struchtúr an Chúrsa

  • Cúrsa 4 mhí
  • Seisiún teagaisc beo ar siúl Dé Sathairn uair sa mhí
  • Foghlaim chumaisc: meascán de ranganna beo ar líne agus den staidéar ar líne
  • Tascanna leanúnacha (roghnach)
  • Scrúdú Ceann Cúrsa (roghnach)
  • Acmhainní ríomhfhoghlama: Chomh maith leis na ranganna beo, faigheann gach foghlaimeoir rochtain saor in aisce ar an gclár r-fhoghlama Gramadach gan Stró ar Ranganna.com ar feadh fhad an chúrsa – tá luach €45 leis an gclár seo ach tá sé san áireamh leis an gcúrsa seo gan aon chostas breise.

Cuir an cúrsa in áirithe

4 Sheisiún
|
|
Cruinneas
|
€450.00

Dianchúrsa i gCruinneas na Gaeilge

Leibhéil Lá Am Dáta tosaigh
Dé Sathairn 10:00am - 4:00pm

Spás ar fáil

 25 Eanáir 2025 Dátaí + Cláraigh anois

Ár gcur chuige múinteoireachta

Tá siollabais chuimsitheacha forbartha ag Gaelchultúr agus leantar na siollabais seo i ngach rang ag gach leibhéal.

Baineann cuid múinteoirí Ghaelchultúir úsáid as an gcur chuige cumarsáideach, rud a chiallaíonn go mbíonn deis ag na foghlaimeoirí páirt ghníomhach a ghlacadh i ngach rang.

Bíonn obair bheirte agus obair ghrúpa i gceist go leanúnach, mar sin bíonn seans ag na foghlaimeoirí cleachtadh a dhéanamh ar an méid a mhúintear dóibh. Bíonn an bhéim ar labhairt na teanga agus ar an éisteacht den chuid is mó (ach amháin sa rang cruinnis), ach tugtar deis do na foghlaimeoirí an teanga a léamh agus a scríobh ó am go chéile chomh maith.

Foghlaim níos mó fúinn

Ceisteanna Coitianta

Tá an cúrsa seo dírithe orthu siúd a bhfuil ardscileanna teanga acu ach ar mian leo cruinneas sa Ghaeilge scríofa a bhaint amach. Tá sé oiriúnach do dhaoine a bhíonn ag obair trí mheán na Gaeilge go laethúil – múinteoirí, iriseoirí, státseirbhísigh agus aistritheoirí, mar shampla – ar mian leo barr feabhais a chur ar a gcuid scileanna scríofa. Tá sé feiliúnach freisin dóibh siúd ar spéis leo cur isteach ar chúrsa iarchéime Gaeilge ach a dteastaíonn uathu snas a chur ar a gcuid gramadaí.
Tá an cúrsa seo oiriúnach dóibh siúd a n-éireoidh leo ar a laghad 80% a ghnóthú i dTriail Ghaeilge ar Líne Ghaelchultúir.
Díreofar sa dianchúrsa ar chruinneas gramadaí, ar chúrsaí stíle agus ar an aistriúchán. Cuirfear béim chomh maith ar na háiseanna teicneolaíochta atá ar fáil sa Ghaeilge, cinn ar líne ina measc.
Cúrsa páirtaimseartha atá sa chúrsa seo a mhaireann ceithre mhí. Cuirfear na ranganna ar siúl Satharn amháin gach mí, 10.00am-4.00pm.

Téarmaí agus Coinníollacha

  • Is féidir táille cúrsa a aisíoc ina hiomláine le foghlaimeoir suas go cúig lá oibre roimh thús an chúrsa. Is gá teagmháil a dhéanamh le foireann Ghaelchultúir ar an ríomhphost nó ar an nguthán agus an aisíocaíocht sin a iarraidh. (Tá ár gcuid sonraí teagmhála ar fáil anseo.)
  • Má shocraíonn an mac léinn i ndiaidh an chéad ranga gur mhaith leis/léi éirí as an gcúrsa, aisíocfar 60% den táille iomlán leis/léi. Ina dhiaidh sin, ní thabharfar aon aisíocaíocht don mhac léinn.
  • Tá sé de cheart ag Gaelchultúr Teoranta rang a chur ar ceal nó ranganna a chur le chéile.
  • IMás gá cúrsa a chur ar ceal, déanfar gach iarracht na rannpháirtithe a chur i rang eile nó a chlárú ar chúrsa ar líne. Tabharfar aisíocaíocht iomlán don chustaiméir mura bhfeileann na roghanna sin dó/di.
  • Ní féidir le mac léinn a c(h)lárúchán a chur siar ach uair amháin. Más mian leis/léi an clárúchán a chur siar, is gá é sin a chur in iúl d’fhoireann Ghaelchultúr faoi sheachtain a trí den chúrsa. Ní thabharfar aon aisíocaíocht don mhac léinn mura nglacann sé/sí le háit ar an gcéad chúrsa eile a bhfuil sé/sí in ainm is freastal air.
  • Má chláraíonn mac léinn ar an leibhéal mícheart, ní ghlacfaidh Gaelchultúr le freagracht ar bith maidir leis sin. Molaimid dár mic léinn ar fad tabhairt faoin triail Ghaeilge ar líne nó comhairle a lorg uainn le cinntiú go bhfuil siad ag tabhairt faoin leibhéal ceart.
  • Má tá mac léinn ag iarraidh bogadh go leibhéal eile, ní féidir gealltanas a thabhairt go mbeidh spás ar fáil dó/di sa leibhéal sin. Má bhíonn spás ar fáil, gearrfaidh Gaelchultúr €10 le híoc as an gcostas riaracháin a bhainfidh leis an aistriú. Ní féidir aistriú go leibhéal eile ach i ndiaidh an chéad ranga amháin.
  • Is gá táille iomlán an chúrsa a íoc roimh thús an chúrsa. Ní féidir freastal ar an gcúrsa mura bhfuil an táille iomlán íoctha.
  • Caithfidh gach foghlaimeoir cloí lenár gCód Iompair agus iad ag freastal ar chúrsa linn.
  • Níl cead ag daoine faoi 18 bliain d’aois freastal ach ar chúrsaí áirithe, atá sainscríofa agus curtha in oiriúint do dhaoine faoi 18 bliain d’aois. Tá ár Ráiteas um Chosaint Leanaí le fáil anseo.

B’fhéidir go mbeadh suim agat sna cúrsaí seo a leanas

Caith súil ar na cúrsaí go léir