An bhfuil tú fiosrach faoi do chearta teanga? An bhfuil tú ag streachailt ó thaobh do dhualgais teanga a thuiscint agus a chomhlíonadh ag an obair? Nó an bhfuil tú sa tóir ar níos mó acmhainní agus tacaíocht leis an nGaeilge? Fáilte go gréasán nua Ghaelchultúir Greasán na Gaeilge, tionscnamh atá dírithe ar dhuine ar bith ar spéis leis an Ghaeilge nó a bhfuil baint acu léi, foghlaimeoirí, cainteoirí líofa agus fostaithe de chuid na hearnála poiblí ina measc.
Reáchtálfar sraith seimineár do bhaill an ghréasáin chun iad a chur ar an eolas faoi imeachtaí, áiseanna agus athruithe ábhartha atá ag teacht chun cinn i saol na Gaeilge.
Glac ballraíocht saor in aisce le Gréasán na Gaeilge agus deimhnigh d’áit ar an chéad seimineár eile trí spéis a léiriú sa chnaipe ar dheis.
Ba é an seimineár ba dhéanaí a réachtáladh de chuid Ghréasán na Gaeilge ná “Ar thóir an eolais: Lántairbhe a bhaint as na hacmhainní foclóra ar líne”. Rinne foireann an Tionscadail Foclóireachta, Foras na Gaeilge, an cur i láthair fíorspéisiúil seo.
Tá an-dul chun cinn déanta i ngort na foclóireachta in Éirinn le breis is 10 mbliana anuas agus tá fáil ag pobal na Gaeilge ar áiseanna foclóra den scoth ar líne anois mar gheall ar an obair mhór seo. Sa lá atá inniu ann, mar shampla, tá breis is 48,000 iontráil agus 145,000 aonad céille le fáil ar an suíomh foclóir.ie (Foclóir Nua Béarla-Gaeilge) agus na mílte duine ag baint úsáid as go laethúil. Ní hamháin gur féidir leat stór focal a chuardach ar líne go héasca ach tá eolas gramadaí agus comhaid fuaime ar fáil ann freisin. Tá na háiseanna ar líne seo ríluachmhar d’fhoghlaimeoirí agus do chainteoirí líofa araon agus baintear leas astu i réimse leathan earnálacha, earnáil an oideachais, earnáil an aistriúcháin agus san earnáil phoiblí cuir i gcás.
Tá an chéad seimineár eile de Ghréasán na Gaeilge á phleanáil againn anois, agus fógrófar anseo é gan mhoill. Dá mba mhaith leat a bheith páirteach ann, léirigh do spéis anseo agus beimid i dteagmháil leat go luath.
Ba é Páidí Ó Lionáird, Bainisteoir Cumarsáide ag Oifig an Choimisinéara Teanga a chuir an chéad seimineár i láthair. Tá athruithe móra tagtha ar ról na Gaeilge sa saol laethúil ó foilsíodh Acht na dTeangacha Oifigiúla (Leasú) 2021. Sa seimineár seo pléadh na príomhathruithe seo agus roinneadh eolas úsáideach maidir leis na bealaí ar féidir forálacha na hAchta a chur i bhfeidhm. Pléadh an borradh atá tagtha ar dheiseanna fostaíochta do dhaoine gairmiúla a bhfuil Gaeilge acu freisin.
Foireann an Tionscadail Foclóireachta, Foras na Gaeilge, a thug an dara seimineár de chuid na sraithe. Fuarthas léiriú ar an mborradh atá tagtha ar ghort na foclóireachta sa Ghaeilge, agus na huirlisí iontacha teanga atá ar fáil san Fhoclóir Nua Béarla-Gaeilge, foclóir.ie. Pléadh na hearnálacha éagsúla a bhaineann leas as an áis fhairsing chuimsitheach seo gach lá.
Lean an nasc seo chun teacht ar sheimineáir eile na sraithe go dtí seo.
Leagan Béarla Leagan Béarla den seimineár seo Déardaoin.
Tá siollabais chuimsitheacha forbartha ag Gaelchultúr agus leantar na siollabais seo i ngach rang ag gach leibhéal.
Baineann cuid múinteoirí Ghaelchultúir úsáid as an gcur chuige cumarsáideach, rud a chiallaíonn go mbíonn deis ag na foghlaimeoirí páirt ghníomhach a ghlacadh i ngach rang.
Bíonn obair bheirte agus obair ghrúpa i gceist go leanúnach, mar sin bíonn seans ag na foghlaimeoirí cleachtadh a dhéanamh ar an méid a mhúintear dóibh. Bíonn an bhéim ar labhairt na teanga agus ar an éisteacht den chuid is mó (ach amháin sa rang cruinnis), ach tugtar deis do na foghlaimeoirí an teanga a léamh agus a scríobh ó am go chéile chomh maith.
Foghlaim níos mó fúinn
Is suíomh gréasáin ríomhfhoghlama é Ranganna.com a chuirfidh ar do chumas Gaeilge nádúrtha a fhoghlaim go neamhspleách. I mbeagán focal, is é an áit is fearr chun Gaeilge a fhoghlaim ar líne.
Bain triail as saor in aisce
