Bainistíocht Eispéireas an Chustaiméara

Bainistíocht Eispéireas an Chustaiméara
Léirigh spéis
Déan do chuid Gaeilge a thástáil

Faigh amach cén leibhéal is oiriúnaí duitse.

Cuir tús leis an tástáil

Cur síos

Is ionann Eispéireas an Chustaiméara agus an caidreamh ar fad idir custaiméir agus eagraíocht. Cinntíonn Bainistíocht Eispéireas Custaiméara (CXM) éifeachtacht go bhfuil daoine, próisis agus teicneolaíocht ag teacht leis an méid thíos:

  • Tosaíocht a thabhairt do riachtanais an chustaiméara trí mheon custaiméirlárnach a chothú.
  • Feabhas a chur ar fheidhmíocht sna réimsí is tábhachtaí do chustaiméirí.
  • Driseacha cosáin a chuireann frustrachas ar chustaiméirí a aithint agus a réiteach chun barr feabhais a chur ar chaidreamh le custaiméirí.

Sa chúrsa leathlae seo de chuid Ghaelchultúir pléitear na bunphrionsabail agus na príomhuirlisí a bhaineann le Bainistíocht Eispéireas an Chustaiméara. Tá sé dírithe ar dhaoine aonair agus eagraíochtaí ar spéis leo cur chuige custaiméirlárnach a chur i bhfeidhm agus orthu siúd atá freagrach as feabhas leanúnach a chur chun cinn laistigh dá n-eagraíocht.

Torthaí Foghlama

Seo thíos na torthaí foghlama a bheidh i gceist dóibh siúd a n-éireoidh leo an cúrsa a chríochnú go rathúil:

  • Beidh rannpháirtithe in ann coincheap lárnacht an chustaiméara agus na príomhghnéithe de Bhainistíocht Eispéireas an Chustaiméara a thuiscint.
  • Beidh rannpháirtithe in ann grúpaí custaiméirí a shainaithint agus a chur in ord tosaíochta go héifeachtach.
  • Beidh rannpháirtithe in ann uirlisí CX a chur i bhfeidhm, ar nós persona an chustaiméara, mapaí comhbhá agus turas an chustaiméara a mhapáil chun dearadh seirbhíse agus eispéireas an chustaiméara a fheabhsú.
  • Beidh rannpháirtithe in ann léargais agus eispéiris a roinnt i dtimpeallacht foghlama idirghníomhach, mhodhnaithe.

Ábhar an chúrsa

Clúdaítear an t-ábhar seo a leanas le linn an chúrsa:

  • Bunphrionsabail Bhainistíocht Eispéireas an Chustaiméara.
  • Grúpaí custaiméirí a shainaithint agus a chur i gcatagóirí
  • Conas Uirlisí CX a chur i bhfeidhm go praiticiúil, lena n-áirítear:
    1. Persona an chustaiméara
    2. Mapaí comhbhá
    3. turas an chustaiméara a mhapáil
  • Straitéisí chun caidreamh le custaiméirí agus eispéireas an chustaiméara a fheabhsú.

Struchtúr an Chúrsa

Seisiún beo: Rang spreagúil 3 uair an chloig ina nglacann foghlaimeoirí páirt ghníomhach i suíomhanna ón bhfíorshaol le muinín agus tuiscint dhomhain a chothú.

Dearthóir an Chúrsa

Is í Susan Ní Dhubhlaoich a d’fhorbair an cúrsa seo agus a chuireann i láthair é. Is comhairleoir neamhspleách í Susan agus is saineolaí í ar Eispéireas an Chustaiméara agus ar Sheirbhísí a Dhearadh.

Cuidíonn sí le gnólachtaí agus eagraíochtaí an custaiméir a chur i gceartlár a straitéisí eagraíochtúla agus oibríochtúla. Tá obair déanta ag Susan le heagraíochtaí beaga agus móra ar fud na n-earnálacha poiblí agus príobháideacha (Three Ireland, Iarnród Éireann, Vodafone, New Ireland Assurance) le 10 mbliana anuas.

Tá cúrsaí saincheaptha CX deartha agus curtha i láthair ag Susan leis na huirlisí, na teicnící agus an mhuinín a thabhairt d’eagraíochtaí chun riachtanais agus ionchais a gcuid custaiméirí a shásamh agus a shárú ar mhaithe le rathúlacht a chur chun cinn ina gcuid cúrsaí gnó.

Bhí Susan ina Cathaoirleach ar Raidió na Life, stáisiún raidió pobail i mBaile Átha Cliath a bhfuil gradaim buaite aige, agus chomhbhunaigh sí líonra gnó Gaeilge dar teideal Plé.

Ár gcur chuige múinteoireachta

Tá siollabais chuimsitheacha forbartha ag Gaelchultúr agus leantar na siollabais seo i ngach rang ag gach leibhéal.

Baineann cuid múinteoirí Ghaelchultúir úsáid as an gcur chuige cumarsáideach, rud a chiallaíonn go mbíonn deis ag na foghlaimeoirí páirt ghníomhach a ghlacadh i ngach rang.

Bíonn obair bheirte agus obair ghrúpa i gceist go leanúnach, mar sin bíonn seans ag na foghlaimeoirí cleachtadh a dhéanamh ar an méid a mhúintear dóibh. Bíonn an bhéim ar labhairt na teanga agus ar an éisteacht den chuid is mó (ach amháin sa rang cruinnis), ach tugtar deis do na foghlaimeoirí an teanga a léamh agus a scríobh ó am go chéile chomh maith.

Foghlaim níos mó fúinn

Ceisteanna Coitianta

Beidh ríomhaire glúine nó deisce le ceamara agus micreafón air de dhíth ort.
Cuirfear nasc Zoom chugat sa ríomhphost roimh thús an chúrsa. Beidh an nasc sin le húsáid agat le logáil isteach ar an rang gach seachtain.
Is féidir ach ní bheidh tú in ann páirt a ghlacadh in obair bheirte ná obair ghrúpa. B’fhearr ríomhaire deisce nó glúine a úsáid, mar sin.
Molaimid do na rannpháirtithe a gceamara a chur ar siúl le linn na ranganna de bhrí go gcuireann sé sin le hatmaisféar an ranga. Mura dteastaíonn uaitse do cheamara a chur ar siúl, áfach, ní gá duit é sin a dhéanamh.
Beidh ar a laghad seisear foghlaimeoirí eile sa rang agus ocht nduine dhéag ar a mhéad.
Beidh obair bheirte agus obair ghrúpa mar chuid lárnach de gach rang, mar sin beidh neart deiseanna labhartha agat. Beidh deis agat lámh fhíorúil a chur in airde agus ceisteanna a chur ar an múinteoir ó bhéal am ar bith is mian.
Ní bheidh. Seolfar leabhrán digiteach chugat roimh thús an chúrsa agus beidh tú ábalta an t-ábhar sin a úsáid le linn na ranganna agus chun staidéar a dhéanamh ó sheachtain go seachtain. Tá costas an leabhráin seo san áireamh i dtáille an chúrsa. Beidh fáil agat ar na nótaí ar fad ar líne freisin.

Téarmaí agus Coinníollacha

  • Is féidir táille cúrsa a aisíoc ina hiomláine le foghlaimeoir suas go cúig lá oibre roimh thús an chúrsa. Is gá teagmháil a dhéanamh le foireann Ghaelchultúir ar an ríomhphost nó ar an nguthán agus an aisíocaíocht sin a iarraidh. (Tá ár gcuid sonraí teagmhála ar fáil anseo.)
  • Má shocraíonn an mac léinn i ndiaidh an chéad ranga gur mhaith leis/léi éirí as an gcúrsa, aisíocfar 60% den táille iomlán leis/léi. Ina dhiaidh sin, ní thabharfar aon aisíocaíocht don mhac léinn.
  • Tá sé de cheart ag Gaelchultúr Teoranta rang a chur ar ceal nó ranganna a chur le chéile.
  • IMás gá cúrsa a chur ar ceal, déanfar gach iarracht na rannpháirtithe a chur i rang eile nó a chlárú ar chúrsa ar líne. Tabharfar aisíocaíocht iomlán don chustaiméir mura bhfeileann na roghanna sin dó/di.
  • Ní féidir le mac léinn a c(h)lárúchán a chur siar ach uair amháin. Más mian leis/léi an clárúchán a chur siar, is gá é sin a chur in iúl d’fhoireann Ghaelchultúr faoi sheachtain a trí den chúrsa. Ní thabharfar aon aisíocaíocht don mhac léinn mura nglacann sé/sí le háit ar an gcéad chúrsa eile a bhfuil sé/sí in ainm is freastal air.
  • Má chláraíonn mac léinn ar an leibhéal mícheart, ní ghlacfaidh Gaelchultúr le freagracht ar bith maidir leis sin. Molaimid dár mic léinn ar fad tabhairt faoin triail Ghaeilge ar líne nó comhairle a lorg uainn le cinntiú go bhfuil siad ag tabhairt faoin leibhéal ceart.
  • Má tá mac léinn ag iarraidh bogadh go leibhéal eile, ní féidir gealltanas a thabhairt go mbeidh spás ar fáil dó/di sa leibhéal sin. Má bhíonn spás ar fáil, gearrfaidh Gaelchultúr €10 le híoc as an gcostas riaracháin a bhainfidh leis an aistriú. Ní féidir aistriú go leibhéal eile ach i ndiaidh an chéad ranga amháin.
  • Is gá táille iomlán an chúrsa a íoc roimh thús an chúrsa. Ní féidir freastal ar an gcúrsa mura bhfuil an táille iomlán íoctha.
  • Caithfidh gach foghlaimeoir cloí lenár gCód Iompair agus iad ag freastal ar chúrsa linn.
  • Níl cead ag daoine faoi 18 bliain d’aois freastal ach ar chúrsaí áirithe, atá sainscríofa agus curtha in oiriúint do dhaoine faoi 18 bliain d’aois. Tá ár Ráiteas um Chosaint Leanaí le fáil anseo.

B’fhéidir go mbeadh suim agat sna cúrsaí seo a leanas

Caith súil ar na cúrsaí go léir