An bealach is fearr chun an Ghaeilge a fhoghlaim

Bain taitneamh as foghlaim na Gaeilge céim ar chéim.

Aimsigh cúrsa Éiginnte faoin leibhéal?

Gaelchultúr, The World’s Largest Provider of Irish Language Courses

Coláiste Tríú Leibhéal

Is é Gaelchultúr/Coláiste na hÉireann an t-aon institiúid tríú leibhéal lán-Ghaeilge.

50,000+ Foghlaimeoir

Bí i do bhall de phobal domhanda foghlaimeoirí na Gaeilge.

Foghlaim Leanúnach

Leanann 93% d’fhoghlaimeoirí Ghaelchultúir ar aghaidh ag foghlaim linn. Cláraigh inniu agus tuigfidh tú an fáth!

Bí ag foghlaim na Gaeilge leis an scoil teanga is fearr in Éirinn.

Cúrsaí atá le teacht

Aimsigh an cúrsa is feiliúnaí duit.

Luathphraghas speisialta

Gach cúrsa

Eolas de réir leibhéil

Bonnleibhéal 1 (A1)

Tá an leibhéal seo dírithe ar dhaoine nach bhfuil eolas ar bith acu ar an nGaeilge nó nach bhfuil acu ach cúpla focal nó frása. Níl an rang seo oiriúnach dóibh siúd a d’fhreastail ar bhunrang eile le déanaí nó a rinne staidéar ar an nGaeilge sa mheánscoil. Tá an bhéim ar fhorbairt scileanna labhartha agus éisteachta agus déantar an ghramadach a mhúineadh i gcomhthéacs den chuid is mó. Faoi dheireadh an chúrsa, beidh rannpháirtithe tar éis foghlaim an chaoi le páirt a ghlacadh i gcomhráite bunúsacha laethúla, labhairt fúthu féin agus a gcúlra, an obair atá ar bun acu, etc.

Tuilleadh eolais

Bonnleibhéal 2 (A2)

Tá an leibhéal seo oiriúnach do dhaoine a d’fhreastail ar rang ag an mbunleibhéal cheana féin nó atá ábalta cumarsáid bhunúsach a dhéanamh sa Ghaeilge (beannú do dhaoine agus iad féin a chur in aithne, mar shampla). Ag tús an chúrsa, déantar athchleachtadh ar nithe a mhúintear sa bhunrang ach bogtar ar aghaidh ina dhiaidh sin chuig topaicí nua nach bpléitear leo ag an leibhéal níos isle. Bíonn an bhéim sa chúrsa seo chomh maith ar fhorbairt scileanna labhartha agus éisteachta agus, arís, déantar an ghramadach a mhúineadh i gcomhthéacs de ghnáth.

Tuilleadh eolais

Meánleibhéal 1 (B1)

Tá an leibhéal seo dírithe ar dhaoine a rinne staidéar ar an nGaeilge ar scoil, b’fhéidir roinnt mhaith blianta ó shin, a thuigeann go leor den teanga ach nach raibh mórán deiseanna acu ar í a úsáid le blianta beaga anuas. Múintear nithe bunúsacha ag tús an chúrsa ach leanann an rang ar aghaidh níos tapa ansin ná mar a dhéanfadh rang ag leibhéal níos ísle. Bíonn an bhéim ar fhorbairt scileanna labhartha agus éisteachta ach bíonn deiseanna ag na foghlaimeoirí an teanga a scríobh agus a léamh ó am go chéile freisin. Múintear an ghramadach i gcomhthéacs, de réir mar a bhíonn sí ag teastáil.

Tuilleadh eolais

Meánleibhéal 2 (B2)

Feiliúnach do dhaoine atá breá ábalta comhrá a dhéanamh trí Ghaeilge agus a úsáideann í ó am go chéile – go sóisialta, mar shampla. Bíonn seans ag na rannpháirithe cur lena stór focal agus lena n-eolas ar ghramadach na teanga. Déantar plé ar thopaicí níos casta ná na cinn a bhíonn i gceist i Meánrang 1 agus bíonn níos mó béime ar an léitheoireacht ná mar a bhíonn sa leibhéal níos ísle sin.

Tuilleadh eolais

Ardleibhéal 1 (C1)

Dírithe ar dhaoine a bhfuil Gaeilge réasúnta líofa acu ach nach bhfuil an oiread sin taithí acu ar a bheith ag labhairt faoi thopaicí dúshlánacha (cúrsaí reatha agus cúrsaí teicneolaíochta, cuir i gcás). Bíonn seans ag na rannpháirtithe saibhriú a dhéanamh ar a gcuid Gaeilge, leibhéal níos airde cruinnis a bhaint amach agus roinnt mhaith léitheoireachta agus éisteachta a dhéanamh.

Tuilleadh eolais

Ardleibhéal 2 (C2)

Tá Ardrang 2 oiriúnach dóibh siúd a bhfuil líofacht mhaith acu sa Ghaeilge agus ar mian leo deis a fháil ar dhíriú ar réimse leathan topaicí, agus a bheith ag scríobh agus ag léamh na teanga ar bhonn rialta. Tá béim sa leibhéal seo chomh maith ar shaibhreas na Gaeilge agus ar chruinneas gramadaí.

Tuilleadh eolais

Cruinneas sa Ghaeilge 1

Dírithe orthu siúd a bhfuil Gaeilge labhartha an-mhaith acu ach nach bhfuil ró-eolach ar ghramadach na teanga. Dírítear ar bhunchoincheapa de chuid na gramadaí agus ar fhorbairt scileanna léitheoireachta agus scríbhneoireachta na rannpháirtithe. Baintear úsáid as ábhar dílis (e.g. ailt as irisí agus nuachtáin) agus bíonn réimse leathan gníomhaíochtaí i gceist. An-oiriúnach dóibh siúd atá ag obair trí mheán na Gaeilge, e.g. státseirbhísigh agus múinteoirí.

Tuilleadh eolais

Cruinneas sa Ghaeilge 2

Dírítear ar ghnéithe níos casta den ghramadach sa rang seo ná mar a dhéantar i gCruinneas 1 agus bíonn ceachtanna níos dúshlánaí i gceist sa seomra ranga. Tugtar aghaidh ar na fadhbanna a thagann chun cinn go rialta san aistriúchán agus i scríobh na teanga ag leibhéal an-ard. Bainfidh aistritheoirí, iriseoirí agus cainteoirí dúchais, i measc daoine eile, tairbhe as na ranganna seo.

Tuilleadh eolais

Tá an Teastas sa Ghaeilge Ghairmiúil ar fáil ag Leibhéil 2, 3, 4, 5 agus 6 ar an gCreat Náisiúnta Cáilíochtaí. Is ionann na leibhéil seo agus A1, A2, B1, B2 agus C1 ar Chomhchreat Tagartha na hEorpa um Theangacha.

Leibhéal 2 (A1)

Tá Leibhéal 2 oiriúnach dóibh siúd nach bhfuil aon eolas acu nó nach bhfuil mórán eolais acu ar an nGaeilge (e.g. daoine nach raibh deis acu Gaeilge a fhoghlaim ar scoil nó a d’fhág an scoil go luath), ach a mbeadh suim acu buneolas a bheith acu ar an teanga. Tá an bhéim sa chúrsa ar labhairt na teanga agus ar scileanna éisteachta a fhorbairt, ach bíonn roinnt deiseanna ag na mic léinn an teanga a léamh agus a scríobh freisin.

Tuilleadh eolais

Leibhéal 3 (A2)

Tá Leibhéal 3 oiriúnach do dhaoine a rinne staidéar ar an nGaeilge cheana féin agus atá ábalta cumarsáid an-bhunúsach a dhéanamh sa teanga (labhairt faoina gcúlra agus faoina n-áit chónaithe, mar shampla). Tá an bhéim sa chúrsa ar labhairt na teanga agus ar scileanna éisteachta a fhorbairt, ach bíonn roinnt deiseanna ag na mic léinn an teanga a léamh agus a scríobh freisin.

Tuilleadh eolais

Leibhéal 4 (B1)

Tá Leibhéal 4 dírithe ar dhaoine a rinne staidéar ar an nGaeilge ar scoil, b’fhéidir roinnt mhaith blianta ó shin, a thuigeann go leor den teanga ach nach raibh mórán deiseanna acu í a úsáid le blianta beaga anuas. Tá an bhéim sa chúrsa ar labhairt na teanga agus ar scileanna éisteachta a fhorbairt, ach bíonn roinnt deiseanna ag na mic léinn an teanga a léamh agus a scríobh freisin.

Tuilleadh eolais

Leibhéal 5 (B2)

Tá Leibhéal 5 feiliúnach do dhaoine atá breá ábalta comhrá a dhéanamh trí Ghaeilge agus a úsáideann í ó am go chéile – go sóisialta nó san obair, mar shampla. Tá idir labhairt, éisteacht, scríobh agus léamh i gceist sa chúrsa.

Tuilleadh eolais

Leibhéal 6 (C1)

Tá Leibhéal 6 oiriúnach dóibhsean a bhfuil Gaeilge líofa acu ar mian leo an deis a fháil díriú ar thopaicí dúshlánacha. Bíonn seans ag na rannpháirtithe cur lena saibhreas teanga agus tuiscint níos fearr a fháil ar ghramadach na Gaeilge. Lena chois sin, foghlaimíonn siad stór focal úsáideach a bhaineann leis an obair agus leis an saol comhaimseartha.

Tuilleadh eolais

Déan do chuid Gaeilge a thástáil

Faigh amach cén leibhéal is oiriúnaí duitse.

Cuir tús leis an tástáil

Aiseolas ónár gcuid bhfoghlaimeoirí

Bhí cúrsa ina mbeadh an bhéim ar chruinneas gramadaí agus ar Ghaeilge nádúrtha, dhúchasach a scríobh á lorg agam le blianta beaga anuas agus is é sin go díreach a cuireadh ar fáil sa Dioplóma Iarchéime san Aistriúchán.

Máiréad Ní Dhubhghaill Bric

Bhí mé an-tógtha le gach gné den chúrsa. Thaitin sé go mór liom - go háirithe caighdeán/ cur chuige an mhúinteora. Bhí atmaisféar an-deas sa rang gach seachtain.

Rannpháirtí / Participant

Léirigh na rannpháirtithe ar fad spéis ollmhór sa chúrsa, a mhair deich seachtaine, de bharr go raibh na teagascóirí an-eolach agus de bharr go raibh an-taithí acu ar a ngairm.

Rannpháirtí / Participant

Foghlaim Gaeilge ar do luas féin

Is suíomh gréasáin ríomhfhoghlama é Ranganna.com a chuirfidh ar do chumas Gaeilge nádúrtha a fhoghlaim go neamhspleách. I mbeagán focal, is é an áit is fearr chun Gaeilge a fhoghlaim ar líne.

Bain triail as saor in aisce