Obair pháirtaimseartha ó chian ar fáil i nGaelchultúr

Tá painéal fostaithe páirtaimseartha ag Gaelchultúr agus bímid ag féachaint i gcónaí le cur leis an bpainéal sin. Más spéis leat a bheith ag obair linn, seol do CV chuig poist@gaelchultur.com. Má thagann aon obair pháirtaimseartha chun cinn a mheasaimid a bheadh oiriúnach duit, rachaimid i dteagmháil leat chun agallamh a shocrú.

Nuair a bhíonn oibrithe páirtaimseartha á n-earcú againn, bímid ag lorg daoine a bhfuil:

caighdeán ard Gaeilge acu, idir labhartha agus scríofa, nó atá ag tabhairt faoi chéim sa Ghaeilge faoi láthair

fonn foghlama orthu agus atá díograiseach, solúbtha agus iontaofa

cur amach acu ar an teicneolaíocht agus atá go maith ag fabhtcheartú nuair a thagann deacrachtaí teicniúla chun cinn (eolas maith ar Zoom agus ar ardáin chumarsáide eile san áireamh)

scileanna idirphearsanta den scoth acu, chun gur féidir leo foghlaimeoirí agus custaiméirí a chur ar a suaimhneas.