Post mar Fheidhmeannach Margaíochta

Post mar Fheidhmeannach Margaíochta

Tá Coláiste na hÉireann/Gaelchultúr ag lorg duine fuinniúil, cruthaitheach, neamhspleách agus cumasach a bhfuil ardscileanna cumarsáide acu le bheith ag obair mar Fheidhmeannach Margaíochta. Conradh bliana atá i gceist leis an ról seo agus beidh obair ó chian i gceist chomh maith.

Ní mór d’iarrthóirí caighdeán réasúnta ard Gaeilge a bheith acu, taithí a bheith acu ar na meáin shóisialta agus cur amach a bheith acu ar fheidhmchláir deartha.

Tuarastal de réir taithí agus cáilíochtaí; gnáthuaireanta oibre. Beidh deiseanna ag an té a cheapfar oiliúint a fháil sa chomhlacht féin agus taobh amuigh de.

Dualgais

Seo iad na príomhdhualgais a bheidh ar an bhFeidhmeannach Margaíochta:

  • a bheith ag feidhmiú faoi stiúir an Bhainisteora Díolacháin agus Margaíochta
  • margaíocht a dhéanamh ar chúrsaí teanga, ar sheirbhísí agus ar fhoilseacháin an Choláiste
  • cuntais an choláiste ar na hardáin shóisialta a bhainistiú (Instagram, Facebook, Twitter, TikTok agus Youtube)
  • feachtais íoctha fógraí ar na meáin shóisialta agus ar Google a chruthú agus a bhainistiú
  • próifíl an chomhlachta a ardú in Éirinn agus ar fud an domhain
  • tionscadail nua a fhorbairt agus a chur chun cinn.
  • Cáilíocht riachtanach

    Céim tríú leibhéal (leibhéal 8 de Chreat Náisiúnta na gCáilíochtaí)

    Cáilíocht/scileanna/taithí inmhianaithe

  • Cáilíocht sa mhargaíocht nó sa mhargaíocht dhigiteach nó a chomhionann
  • Sárscileanna cóipscríbhneoireachta
  • Eolas cuimsitheach ar an margaíocht dhigiteach
  • Taithí a bhaineann le Google Ads agus Meta Ads
  • Scileanna deartha nó eolas ar Adobe Photoshop, Adobe Illustrator
  • Ardscileanna ríomhaireachta
  • Ní mór d’iarrthóirí CV, mar aon le litir iarratais, a sheoladh chuig: poist@gaelchultur.com

    Spriocdháta d’iarratais: 5.00pm, Dé Máirt, 1 Samhain 2022

    Tá tuilleadh eolais ar fáil ach ríomhphost a sheoladh chuig: poist@gaelchultur.com