Post mar Fheidhmeannach Oibríochtaí
Tá Feidhmeannach Oibríochtaí á lorg ag Gaelchultúr faoi láthair. Conradh buan atá i gceist agus tá féidearthacht ann bheith ag obair ó chian nó in oifigí an choláiste i lár chathair Bhaile Átha Cliath.
Ní mór d’iarrthóirí caighdeán ard Gaeilge, idir labhartha agus scríofa, a bheith acu, taithí a bheith acu ar obair riaracháin oifige agus cur amach ar ghnáthchórais ríomhaireachta.
Tuarastal de réir taithí agus cáilíochtaí; gnáthuaireanta oibre.
Dualgais
Seo iad na príomhdhualgais a bheidh ar an bhFeidhmeannach Oibríochtaí:
- Plé le foghlaimeoirí agus cliaint an choláiste ar an nguthán, ar an ríomhphost agus aghaidh ar aghaidh
- Na socruithe cuí a dhéanamh roimh gach cúrsa teanga
- Riarachán ginearálta
Cáilíocht riachtanach
- Céim tríú leibhéal (leibhéal 8 de Chreat Náisiúnta na gCáilíochtaí)
Cáilíocht/scileanna/taithí inmhianaithe
- Cáilíocht tríú leibhéal sa Ghaeilge
- Ardscileanna ríomhaireachta
- Taithí ar a bheith ag déileáil le cliaint
- Sárscileanna riaracháin
- Sárscileanna cumarsáide
- Sárscileanna eagrúcháin agus bainistithe ama
Ní mór d’iarrthóirí CV, mar aon le litir iarratais, a sheoladh chuig: poist@gaelchultur.com
Spriocdháta d’iarratais: 10am, Dé Luain, 6 Deireadh Fómhair 2025.
Tá tuilleadh eolais ar fáil ach ríomhphost a sheoladh chuig poist@gaelchultur.com.