Is minic a bhíonn muid ag brath ar an seomra ranga amháin chun dul chun cinn a dhéanamh agus muid ag foghlaim teanga nua. Ach léiríonn taighde ar fhoghlaim teanga go neartaítear scileanna teanga i gcomhthéacsanna cumarsáide rialta laethúla. Trí úsáid a bhaint as an nGaeilge i do shaol laethúil, aithneoidh tú go mbeidh tú in ann an teanga a úsáid de réir a chéile go nádúrtha agus go gcruthóidh tú nósanna foghlama buana!

Ar thosaigh tú ag foghlaim Gaeilge linn le déanaí? B’fhéidir go bhfuil tú ag tosú amach ar do thuras teanga, nó b’fhéidir go bhfuil tú ag cur le seanscileanna. Cibé leibhéal Gaeilge atá agat, ná fan go dtí an chéad rang eile leis an teanga a chleachtadh.

Bain triail as na 5 bhealach shimplí seo chun do chuid Gaeilge a úsáid lasmuigh den seomra ranga.

Bain taitneamh as foghlaim na Gaeilge, céim ar chéim!

1. Beannaigh do do theaghlach as Gaeilge!

Is céim thábhachtach é an beannú, toisc go mbíonn sé mar chuid den chumarsáid laethúil. Déan iarracht frásaí simplí a úsáid, leithéidí:

Dia duit!

Maidin mhaith

Tráthnóna maith duit!

Oíche mhaith!

2. Gabh buíochas as Gaeilge!

Go raibh maith agat

Míle buíochas

Is frása cumhachtach é “Go raibh maith agat” in aon teanga, agus is éasca é a úsáid i gcomhthéacsanna éagsúla. Tá leagan giorraithe ann freisin, GRMA, a úsáidtear go coitianta i gcomhráite digiteacha.

Bain triail as buíochas a ghabháil as Gaeilge:

I dteachtaireachtaí téacs

Ar na meáin shóisialta

Leis an tiománaí bus

Sa siopa

3.Bí ag éisteacht leis an nGaeilge

Ar an raidió

Ar phodchraoltaí

Ní gá duit gach focal a thuiscint chun tairbhe a bhaint as an eispéireas éisteachta. Trí raidió, podchraoltaí nó ceol Gaeilge, rachaidh tú i dtaithí ar fhuaim agus ar rithim nádúrtha na teanga. Is cuid lárnach den fhoghlaim é an tumoideachas éisteachta!

4. Scríobh do liosta siopadóireachta as Gaeilge

Tá sé tábhachtach an Ghaeilge a nascadh le gnáthchúraimí laethúla. Is bealach simplí ach éifeachtach é do liosta siopadóireachta a scríobh i nGaeilge chun cur le do stór focal!

Arán

Bainne

Im

Uibheach

Cáis

Sicín

Úlla

Prátaí

Oinniúin

Málaí tae

Seampú

Taos fiacla

Páipéar leithris

Glóthach chithfholctha

Is iad na cleachtaí beaga seo a chuireann le feasacht teanga agus a spreagann úsáid nádúrtha laethúil.

5. Bí ag cleachtadh ar ranganna.com

Cuireann ranganna.com deis ar fáil a bheith ag foghlaim go neamhspleách, ar do luas féin, áit ar bith ar domhan. Is féidir an t-ardán a úsáid ar aon ghléas is mian leat agus cuirtear aiseolas láithreach ar do chuid oibre ar fáil duit. Tugann ár n-ábhar fuaime agus físe rochtain duit ar Ghaeilge nádúrtha laethúil agus cabhraíonn sé leat fuaimeanna na teanga a shealbhú i gceart.

--

Más mian leat níos mó Gaeilge a fhoghlaim, féach ar ár réimse iomlán cúrsaí ag gaelchultur.com – tá cúrsaí againn do gach leibhéal!

Lean muid ar na meáin shóisialta chun leideanna rialta a fháil maidir le tuilleadh Gaeilge a úsáid i do shaol laethúil.